కాళరాత్ర్యాది శక్త్యోఘవృతా, స్నిగ్ధౌదనప్రియా ।

మహావీరేంద్ర వరదా, రాకిణ్యంబా స్వరూపిణీ ॥ 101 ॥

కాళరాత్ర్యాది శక్త్వౌఘవృతా – కాళరాత్రి మొదలైన పన్నెండు మంది శక్తి దేవతలచే పరివేష్టింపబడి యుండునది.

స్నిగ్థౌదన ప్రియా – నేతితో తడిపిన అన్నములో ప్రీతి కలది.

మహావీరేంద్ర వరదా – శ్రేష్ఠులైన ఉపాసకులకు అవసరమైన వన్నీ సమకూర్చునది.

రాకిణ్యంబా స్వరూపిణీ – రాకిణీ దేవతా స్వరూపిణి.

మణిపూరాబ్జ నిలయా, వదనత్రయ సంయుతా ।

వజ్రాధికాయుధోపేతా, డామర్యాదిభి రావృతా ॥ 102 ॥

మణిపూరాబ్జనిలయా – మణిపూర పద్మములో వసించునది.

వదన త్రయ సంయుతా – మూడు ముఖములతో కూడి యుండునది.

వజ్రాదికాయుధోపేతా – వజ్రం మొదలైన ఆయుధములను ధరించి ఉండునది.

డామర్యాదిభిరావృతా – డామరము, ఆదిభి మొదలైన శక్తి దేవతలచే పరివేష్టింపబడి యుండునది.

రక్తవర్ణా, మాంసనిష్ఠా, గుడాన్న ప్రీతమానసా ।

సమస్త భక్తసుఖదా, లాకిన్యంబా స్వరూపిణీ ॥ 103 ॥

రక్తవర్ణా – ఎర్రని రక్త వర్ణంలో ఉండునది.

మాంసనిష్ఠా – మాంస ధాతువును ఆశ్రయించి ఉండునది.

గుడాన్న ప్రీతమానసా – గుడాన్నములో ప్రీతి కలది.

సమస్త భక్త సుఖదా – అన్ని రకముల భక్తులకు అవసరమైన సుఖసంతోషాలను ప్రసాదించునది.

లాకిన్యంబా స్వరూపిణీ – లాకినీ దేవతా స్వరూపముగా నున్నది.

స్వాధిష్ఠానాంబు జగతా, చతుర్వక్త్ర మనోహరా ।

శూలాద్యాయుధ సంపన్నా, పీతవర్ణా,ఽతిగర్వితా ॥ 104 ॥

స్వాధిష్ఠానాంబుజగతా – స్వాధిష్ఠాన పద్మములో వసించునది.

చతుర్వక్త్ర మనోహరా – నాలుగు వదనములతో అందముగా నుండునది.

శూలాద్యాయుధ సంపన్నా – శూలము మొదలైన ఆయుధములు ధరించి యుండునది.

పీతవర్ణా – పసుపు పచ్చని రంగులో ఉండునది.

అతిగర్వితా – మిక్కిలి గర్వంతో నుండునది.

మేధోనిష్ఠా, మధుప్రీతా, బందిన్యాది సమన్వితా ।

దధ్యన్నాసక్త హృదయా, కాకినీ రూపధారిణీ ॥ 105 ॥

మేధోనిష్ఠా – మేధస్సు ధాతువును ఆశ్రయించి యుండునది.

మధుప్రీతా – మధువులో ప్రీతి కలిగినది.

బందిన్యాది సమన్వితా – బందినీ మొదలైన పరివార దేవతలచే పరివేష్టింపబడి ఉండునది.

దధ్యన్నాసక్త హృదయా – పెరుగు అన్నం ఇష్టపడునది.

కాకినీ రూపధారిణీ – కాకినీ పేరుగల దేవతగా రూపమును ధరించి ఉండునది.

మూలా ధారాంబుజారూఢా, పంచవక్త్రా,ఽస్థిసంస్థితా ।

అంకుశాది ప్రహరణా, వరదాది నిషేవితా ॥ 106 ॥

మూలాధారాంబుజారూఢా – మూలాధార పద్మములో అధివసించునది.

పంచ వక్త్రా – ఐదు ముఖములతో నుండునది.

అస్థి సంస్థితా – ఎముకలను ఆశ్రయించి ఉండునది.

అంకుశాది ప్రహరణా – అంకుశం మొదలైన ఆయుధములను ధరించి ఉండునది.

వరదాది నిషేవితా – వరదా మొదలైన నలుగురు పరివార దేవతలచే సేవింపబడునది.

ముద్గౌదనాసక్త చిత్తా, సాకిన్యంబాస్వరూపిణీ ।

ఆజ్ఞా చక్రాబ్జనిలయా, శుక్లవర్ణా, షడాననా ॥ 107 ॥

ముద్గౌదనాసక్త చిత్తా – పులగములో ప్రీతి కలది.

సాకిన్యంబా స్వరూపిణీ – సాకినీ దేవతా స్వరూపముగా నుండునది.

ఆజ్ఞా చక్రాబ్జనిలయా – ఆజ్ఞాచక్ర పద్మంలో వసించునది.

శుక్లవర్ణా – తెలుపురంగులో ఉండునది.

షడాననా – ఆరు ముఖములు కలది.

మజ్జాసంస్థా, హంసవతీ ముఖ్యశక్తి సమన్వితా ।

హరిద్రాన్నైక రసికా, హాకినీ రూపధారిణీ ॥ 108 ॥

మజ్జా సంస్థా – మజ్జా ధాతువును ఆశ్రయించి ఉండునది.

హంసవతీ ముఖ్యశక్తి సమన్వితా – హంసవతీ, క్షమావతీ ముఖ్య శక్తులతో కూడి ఉండునది.

హరిద్రాన్నైక రసికా – పచ్చని అన్నములో మిక్కిలి ప్రీతి కలది.

హాకినీ రూపధారిణీ – హాకినీ దేవతా రూపమును ధరించి ఉండునది.

సహస్రదళ పద్మస్థా, సర్వవర్ణోప శోభితా ।

సర్వాయుధధరా, శుక్ల సంస్థితా, సర్వతోముఖీ ॥ 109 ॥

సహస్రదళ పద్మస్థా – సహస్రార కమలములో ఉండునది.

సర్వవర్ణోప శోభితా – అన్ని అక్షరాలు, అన్ని మంత్రాలు, వర్ణపటంలోని అన్ని రంగులతో శోభిల్లునది.

సర్వాయుధ ధరా – అనంతమైన అన్ని రకముల ఆయుధములను ధరించి ఉండునది.

శుక్ల సంస్థితా – శుక్ల ధాతువును చక్కగా ఆశ్రయించి ఉండునది.

సర్వతోముఖీ – సర్వతోముఖమైన ఏర్పాట్లతో నుండునది.

సర్వౌదన ప్రీతచిత్తా, యాకిన్యంబా స్వరూపిణీ ।

స్వాహా, స్వధా,ఽమతి, ర్మేధా, శ్రుతిః, స్మృతి, రనుత్తమా ॥ 110 ॥

సర్వౌదన ప్రీత చిత్తా – అన్ని రకముల ఆహారమును ప్రీతితో స్వీకరించునది.

యాకిన్యంబా స్వరూపిణీ – యాకినీ దేవతా స్వరూపములో ఉండునది.

స్వాహా – చక్కగా ఆహ్వానించునది.

స్వధా – శరీర ధారణ ప్రక్రియకు సంబంధించిన స్వాగత వచనము.

అమతిః – మతి లేదా బుద్ధి వికసించడానికి ముందు ఉన్న స్థితిని సూచించు శక్తి.

మేధా – ఒక బుద్ధి విశేషం.

శ్రుతిః – చెవులతో సంబంధము కలిగినది.

స్మృతిః – మరల మరల గుర్తుకు తెచ్చుకొను లక్షణము.

అనుత్తమా – తనను మించిన ఉత్తమ దేవత ఇంకొకరు లేనిది.

పుణ్యకీర్తిః, పుణ్యలభ్యా, పుణ్యశ్రవణ కీర్తనా ।

పులోమజార్చితా, బంధమోచనీ, బంధురాలకా ॥ 111 ॥

పుణ్యకీర్తి – మంచి లేదా పవిత్రమైన యశస్సు కలది.

పుణ్యలభ్యా – సదుద్దేశంతో చేసే పవిత్ర సత్కార్యాల వలన పొందబడునది.

పుణ్య శ్రవణ కీర్తనా – పుణ్యప్రథమైన వాక్కులను వినుటకు, కీర్తనము చేయుటకు అవకాశము కలుగజేయునది.

పులోమజార్చితా – పులోముని కూతురైన శచీదేవిచే ఆరాధింపబడింది.

బంధమోచనీ – అన్ని రకాల బంధనాల నుండి విముక్తి కలుగజేయునది.

బంధురాలకా – అందమైన చిక్కనైన ముంగురులు కలది.

విమర్శరూపిణీ, విద్యా, వియదాది జగత్ప్రసూః ।

సర్వవ్యాధి ప్రశమనీ, సర్వమృత్యు నివారిణీ ॥ 112 ॥

విమర్శరూపిణీ – జ్ఞాన విశ్లేషణకు సంబంధించిన బిందుస్వరూపము కలది.

విద్యా – జ్ఞాన రూపిణి.

వియదాది జగత్ప్రసూ – ఆకాశము మొదలైన పంచభూతాలతో కూడిన జగత్తును సృజించునది.

సర్వవ్యాధి ప్రశమనీ – అన్ని విధములైన వ్యాధులకు ఉపశమనము కలుగజేయునది.

సర్వమృత్యు నివారిణీ – సకల మృత్యుభయాలను పోగొట్టునది.

అగ్రగణ్యా,ఽచింత్యరూపా, కలికల్మష నాశినీ ।

కాత్యాయినీ, కాలహంత్రీ, కమలాక్ష నిషేవితా ॥ 113 ॥

అగ్రగణ్యా – దేవతలందరిలో ముందుగా గణింపబడేది.

అచింత్యరూపా – చింతన ద్వారా తెలుసుకొనుటకు అలవికానిది.

కలికల్మష నాశినీ – కలియుగ మలినములను పోగొట్టునది.

కాత్యాయనీ – కతుని ఆశ్రమంలో పుట్టి పెరిగింది.

కాలహంత్రీ – కాలమును హరించునది.

కమలాక్ష నిషేవితా – విష్ణుమూర్తిచే నిశ్శేషంగా సేవింపబడునది.

తాంబూల పూరిత ముఖీ, దాడిమీ కుసుమప్రభా ।

మృగాక్షీ, మోహినీ, ముఖ్యా, మృడానీ, మిత్రరూపిణీ ॥ 114 ॥

తాంబూల పూరితముఖీ – తాంబూలము చేత నిండి పండిన నోరు కలది.

దాడిమీ కుసుమప్రభా – దానిమ్మపువ్వు ప్రభతో విరాజిల్లునది.

మృగాక్షీ – ఆడలేడి కన్నులకు ఉండే లక్షణాలుగల కళ్ళు కలది.

మోహినీ – మోహమును కలుగజేయునది.

ముఖ్యా – ముఖ్యురాలు.

మృడానీ – మృడుని పత్ని.

మిత్రరూపిణీ – మిత్రుడని పిలువబడే సూర్యుని రూపముగా ఉంది.

నిత్యతృప్తా, భక్తనిధి, ర్నియంత్రీ, నిఖిలేశ్వరీ ।

మైత్ర్యాది వాసనాలభ్యా, మహాప్రళయ సాక్షిణీ ॥ 115 ॥

నిత్యతృప్తా – నిత్యసంతుష్టి స్వభావము కలది.

భక్తనిధిః – భక్తులకు నిధి వంటిది.

నియంత్రీ – సర్వమును నియమించునది.

నిఖిలేశ్వరీ – సమస్తమునకు ఈశ్వరి.

మైత్ర్యాది వాసనాలభ్యా – మైత్రి మొదలైన వాసనా చతుష్టయము గలవారిచే పొందబడునది.

మహాప్రళయ సాక్షిణీ – మహాప్రళయ స్థితియందు సాక్షి భూతురాలుగా ఉండునది.

పరాశక్తిః, పరానిష్ఠా, ప్రజ్ఞాన ఘనరూపిణీ ।

మాధ్వీపానాలసా, మత్తా, మాతృకా వర్ణ రూపిణీ ॥ 116 ॥

పరాశక్తిః – అన్ని శక్తులకు అతీతంగా ఉండి, వాటన్నిటికీ నేపథ్యంలో వర్తించే శక్తి.

పరానిష్ఠా – సర్వాంతర్యామిని సర్వమునందు చూడగలుగు నిష్ఠను సూచించునది.

ప్రజ్ఞాన ఘనరూపిణీ – ఘనరూపం దాల్చిన ప్రజ్ఞానం.

మాధ్వీపానాలసా – మధుసంబంధిత పానము వలన అలసత్వము చెందినది.

మత్తా – నిత్యము పరవశత్వములో ఉండునది.

మాతృకావర్ణ రూపిణీ – అన్ని రంగులకు తల్లివంటి రంగు యొక్క రూపంలో ఉండునది.

మహాకైలాస నిలయా, మృణాల మృదుదోర్లతా ।

మహనీయా, దయామూర్తీ, ర్మహాసామ్రాజ్యశాలినీ ॥ 117 ॥

మహాకైలాస నిలయా – గొప్పదైన కైలాసం నిలయముగా గలది.

మృణాల మృదుదోర్లతా – తామరతూడులవంటి మృదువైన బాహువులు గలది.

మహనీయా – గొప్పగా ఆరాధింపబడునది.

దయామూర్తిః – మూర్తీభవించిన దయాలక్షణము గలది.

మహాసామ్రాజ్య శాలినీ – పరబ్రహ్మకు చెందిన ఈ విశ్వసామ్రాజ్యమునకు అధినాయకురాలు.

ఆత్మవిద్యా, మహావిద్యా, శ్రీవిద్యా, కామసేవితా ।

శ్రీషోడశాక్షరీ విద్యా, త్రికూటా, కామకోటికా ॥ 118 ॥

ఆత్మవిద్యా – ఆత్మకు సంబంధించిన విద్యా స్వరూపురాలు.

మహావిద్యా – గొప్పదైన విద్యా స్వరూపురాలు.

శ్రీవిద్యా – శ్రీ విద్యా స్వరూపిణి.

కామసేవితా – కాముని చేత సేవింపబడునది.

శ్రీ షోడశాక్షరీ విద్యా – సకల మంగళప్రదమైన పదహారు అక్షరాల మంత్రమునకు సంబంధించిన విద్యాస్వరూపిణి.

త్రికూటా – మూడు కూటములుగా ఉన్న మంత్ర స్వరూపిణి.

కామకోటికా – కామమునకు పై అంచునగలదాని స్వరూపిణి.

కటాక్షకింకరీ భూత కమలా కోటిసేవితా ।

శిరఃస్థితా, చంద్రనిభా, ఫాలస్థేంద్ర ధనుఃప్రభా ॥ 119 ॥

కటాక్షకింకరీ భూత కమలాకోటిసేవితా – అనుగ్రహ వీక్షణ మాత్రముచే భృత్యులుగా చేయబడిన శ్రీసతుల సమూహముచేత సేవింపబడునది.

శిరఃస్థితా – తలమీద పెట్టుకోవలసినది.

చంద్రనిభా – చంద్రుని కాంతితో సమానమైన కాంతిని కూడి యుండినది.

ఫాలస్థా – ఫాల భాగమునందు ఉండునది.

ఇంద్రధనుః ప్రభా – ఇంద్రధనుస్సు లోని రంగుల కాంతులతో సమానమగు కాంతులతో వెలుగొందునది.

హృదయస్థా, రవిప్రఖ్యా, త్రికోణాంతర దీపికా ।

దాక్షాయణీ, దైత్యహంత్రీ, దక్షయజ్ఞ వినాశినీ ॥ 120 ॥

హృదయస్థా – హృదయమునందు ఉండునది.

రవిప్రఖ్యా – సూర్యునితో సమానమైన కాంతితో వెలుగొందునది.

త్రికోణాంతర దీపికా – మూడు బిందువులతో ఏర్పడు త్రిభుజము యొక్క మధ్యమున వెలుగుచుండునది.

దాక్షాయణీ – దక్షుని కుమార్తె.

దైత్యహంత్రీ – రాక్షసులను సంహరించింది.

దక్షయజ్ఞ వినాశినీ – దక్షయజ్ఞమును నాశము చేసినది.