లలితా అష్టోత్తర శత నామావళి
లలితా అష్టోత్తర శత నామావళి అనేది శ్రీ లలితా త్రిపురసుందరి దేవిని స్తుతిస్తూ 108 దివ్య నామాలతో కూడిన పవిత్ర స్తోత్రం. ఇది శక్తి ఉపాసనలో ముఖ్యమైన భాగంగా పరిగణించబడుతుంది. ఈ నామావళి మూలం పురాణాలు మరియు ఆగమ శాస్త్రాలలో ఉంది. భక్తులు ఈ నామాలను భక్తితో జపించడం ద్వారా ఆధ్యాత్మిక శాంతి, మానసిక స్థిరత్వం మరియు దైవ అనుగ్రహం పొందుతారని విశ్వాసం.
ఈ స్తోత్రాన్ని నిత్యం పఠించడం వల్ల దురదృష్టాలు తొలగి, ఐశ్వర్యం, ఆరోగ్యం, సంతోషం లభిస్తాయి. ముఖ్యంగా శుక్రవారం లేదా నవరాత్రులలో జపించడం ఎంతో శుభప్రదం. లలితా దేవి కరుణ వల్ల మనసులోని భయాలు, అడ్డంకులు తొలగి, జీవితం సాఫల్యవంతమవుతుంది.
ధ్యానశ్లోకః
సింధూరారుణవిగ్రహాం త్రినయనాం మాణిక్యమౌళిస్ఫుర-
త్తారానాయకశేఖరాం స్మితముఖీ మాపీనవక్షోరుహామ్ ।
పాణిభ్యామలిపూర్ణరత్నచషకం రక్తోత్పలం బిభ్రతీం
సౌమ్యాం రత్నఘటస్థరక్తచరణాం ధ్యాయేత్పరామంబికామ్ ॥
“రక్తరంగు శరీరంతో, మూడు కళ్ళు, మాణిక్యమాల తలలో పెట్టుకున్న తల్లి, మృదువుగా నవవిద్యతో నవ్వుతూ, చేతుల్లో రత్నాలతో అలంకరించబడిన, రక్తపుష్పాల వంటి పాదాలు గల పరమమాతృకా లలితా దేవిని మనసులో స్థిరంగా ధ్యానించాలి.”
- ఓం ఐం హ్రీం శ్రీం రజతాచల శృంగాగ్ర మధ్యస్థాయై నమోనమః
హిమాలయ పర్వత శిఖరమధ్యంలో నివసించే దేవికి నమస్కారాలు
- ఓం ఐం హ్రీం శ్రీం హిమాచల మహావంశ పావనాయై నమో నమః
హిమవంతుని వంశమును పవిత్రం చేసిన పార్వతీ దేవికి నమస్కారాలు
- ఓం ఐం హ్రీం శ్రీం శంకరార్ధాంగ సౌందర్య శరీరాయై నమోనమః
శివుని అర్థాంగిగా (అర్థనారీశ్వర రూపంలో) ఉన్న, అందమైన శరీరరూపం గల లలితా దేవికి నమస్కారం
- ఓం ఐం హ్రీం శ్రీం లసన్మరకత స్వచ్ఛవిగ్రహాయై నమోనమః
ముదురు ఆకుపచ్చ రంగులో ఉండే మరకత రత్నం వంటి కాంతివంతమైన, శుద్ధమైన శరీరరూపం గల లలితా దేవికి నమస్కారం
- ఓం ఐం హ్రీం శ్రీం మహాతిశయ సౌందర్య లావణ్యాయై నమోనమః
అతులనీయమైన సౌందర్యం, లావణ్యం కలిగిన దేవికి నమస్కారాలు.
- ఓం ఐం హ్రీం శ్రీం శశాంకశేఖర ప్రాణవల్లభాయై నమోనమః
తలపై చంద్రుడిని ధరించిన శివునికి ప్రాణప్రియమైన దేవికి నా నమస్కారాలు.
- ఓం ఐం హ్రీం శ్రీం సదా పంచదశాత్మైక్య స్వరూపాయై నమోనమః
ఎల్లప్పుడు పంచదశీ మంత్ర రూపంగా ఉన్న దేవికి నమస్కారాలు.
- ఓం ఐం హ్రీం శ్రీం వజ్రమాణిక్య కటక కిరీటాయై నమోనమః
వజ్రమాణిక్యములతో ప్రకాశించే రత్నాల కిరీటంతో అలంకరించబడిన దేవతకు నమస్కారం.
- ఓం ఐం హ్రీం శ్రీం కస్తూరీ తిలకోల్లాసిత నిటలాయై నమోనమః
నుదుటిపై కస్తూరి తిలకంతో ప్రకాశించే దేవతకు నమస్కారాలు
- ఓం ఐం హ్రీం శ్రీం భస్మరేఖాంకిత లసన్మస్తకాయై నమోనమః (10)
నుదుటిపై పవిత్రమైన భస్మరేఖలు అలంకరించిన దేవికి నమస్కారాలు
- ఓం ఐం హ్రీం శ్రీం వికచాంభోరుహదళ లోచనాయై నమోనమః
పూర్ణంగా వికసించిన కమలదళాల వంటి కళ్లున్న దేవికి నమస్కారాలు
- ఓం ఐం హ్రీం శ్రీం శరచ్చాంపేయ పుష్పాభ నాసికాయై నమోనమః
శరత్ ఋతువులో వికసించిన సంపెంగ పువ్వువంటి అందమైన ముక్కు ఉన్న దేవికి నమస్కారాలు
- ఓం ఐం హ్రీం శ్రీం లసత్కాంచన తాటంక యుగళాయై నమోనమః
మెరుస్తున్న బంగారు చెవి పోగులు గల దేవికి నమస్కారాలు
- ఓం ఐం హ్రీం శ్రీం మణిదర్పణ సంకాశ కపోలాయై నమోనమః
రత్నాల్లా మెరిసే మృదువైన చెంపలు (బుగ్గలు) కలిగిన దేవికి నమస్కారాలు
- ఓం ఐం హ్రీం శ్రీం తాంబూలపూరితస్మేర వదనాయై నమోనమః
తాంబూల చర్వణం వలన ఎర్రగా ప్రకాశించే నవ్వుతో కాంతిమంతమైన ముఖమున్న దేవికి నమస్కారాలు
- ఓం ఐం హ్రీం శ్రీం సుపక్వదాడిమీబీజ వదనాయై నమోనమః
పండిన దానిమ్మ గింజల్లా దివ్యంగా ఎర్రగా మెరుస్తున్న పెదవులు (దంతాలు) ఉన్న దేవికి నమస్కారాలు
- ఓం ఐం హ్రీం శ్రీం కంబుపూగ సమచ్ఛాయ కంధరాయై నమోనమః
శంఖంలా మృదువుగా, అందంగా ఉన్న కంఠం కలిగిన దేవికి నమస్కారాలు
- ఓం ఐం హ్రీం శ్రీం స్థూలముక్తాఫలోదార సుహారాయై నమోనమః
పెద్ద ముత్యాలతో సుసంపన్నమైన అందమైన హారం ధరించిన దేవికి నమస్కారాలు.
- ఓం ఐం హ్రీం శ్రీం గిరీశబద్ధమాంగళ్య మంగళాయై నమోనమః
శివునిచే ధరింపబడిన మాంగల్యం కలిగిన పవిత్రమైన పార్వతీ దేవికి నమస్కారాలు
- ఓం ఐం హ్రీం శ్రీం పద్మపాశాంకుశ లసత్కరాబ్జాయై నమోనమః (20)
కమలం వంటి మృదువైన చేతుల్లో పాశం, అంకుశం మరియు కమలాన్ని ధరించిన దేవికి నమస్కారాలు
- ఓం ఐం హ్రీం శ్రీం పద్మకైరవ మందార సుమాలిన్యై నమోనమః
పద్మములు, కలువలు, మందార పుష్పాల మాలలతో అలంకరించబడిన దేవికి నమస్కారాలు
- ఓం ఐం హ్రీం శ్రీం సువర్ణ కుంభయుగ్మాభ సుకుచాయై నమోనమః
బంగారు కలశాల్లా ప్రకాశించే పవిత్రమైన వక్షస్థలం కలిగిన దేవికి నమస్కారాలు
- ఓం ఐం హ్రీం శ్రీం రమణీయచతుర్బాహు సంయుక్తాయై నమోనమః
అందమైన నాలుగు చేతులు కలిగిన దేవికి నమస్కారాలు
- ఓం ఐం హ్రీం శ్రీం కనకాంగద కేయూర భూషితాయై నమోనమః
బంగారు కంకణాలు, భుజకీర్తులు ధరించిన దేవికి నమస్కారాలు
- ఓం ఐం హ్రీం శ్రీం బృహత్సౌవర్ణ సౌందర్య వసనాయై నమోనమః
మహద్భావమైన బంగారువర్ణపు దివ్య వస్త్రములు ధరించిన దేవికి నమస్కారాలు
- ఓం ఐం హ్రీం శ్రీం బృహన్నితంబ విలసజ్జఘనాయై నమోనమః
అందమైన కటి ప్రదేశము, కటి అధోభాగ ప్రదేశము కలిగిన దేవికి నమస్కారాలు
- ఓం ఐం హ్రీం శ్రీం సౌభాగ్యజాత శృంగార మధ్యమాయై నమోనమః
సౌభాగ్యంతో కూడిన శృంగారతత్వానికి మూలస్వరూపిణి అయిన దేవికి నమస్కారాలు
- ఓం ఐం హ్రీం శ్రీం దివ్యభూషణ సందోహ రంజితాయై నమోనమః
అనేక దివ్యాభరణాలతో అలంకరించబడిన దేవికి నమస్కారాలు
- ఓం ఐం హ్రీం శ్రీం పారిజాత గుణాధిక్య పదాబ్జాయై నమోనమః
పారిజాత పువ్వులకన్నా మృదువైన, పవిత్రమైన, సుగంధమయమైన కమలం వంటి పాదాలు కలిగిన దేవికి నమస్కారాలు
- ఓం ఐం హ్రీం శ్రీం సుపద్మరాగ సంకాశ చరణాయై నమోనమః (30)
పద్మరాగ మణిలా ఎర్రగా, ప్రకాశవంతమైన పాదాలు కలిగిన దేవికి నమస్కారాలు
- ఓం ఐం హ్రీం శ్రీం కామకోటి మహాపద్మ పీఠస్థాయై నమోనమః
కాంక్షలన్నీ నెరవేర్చే కామకోటి మహాపద్మ పీఠంపై సింహాసనంలో ఆసీనురాలైన దేవికి నమస్కారం
- ఓం ఐం హ్రీం శ్రీం శ్రీకంఠనేత్ర కుముద చంద్రికాయై నమోనమః
పరమశివుని నేత్రాలకు చందమామ కాంతిలా శోభించే దేవికి నమస్కారం
- ఓం ఐం హ్రీం శ్రీం సచామర రమావాణీ వీజితాయై నమోనమః
బ్రహ్మపత్నీ సరస్వతీ, విష్ణుపత్నీ లక్ష్మీ తమ చేతిలో చామరాలతో సేవించే దేవికి నమస్కారం
- ఓం ఐం హ్రీం శ్రీం భక్త రక్షణ దాక్షిణ్య కటాక్షాయై నమోనమః
భక్తులపై కరుణతో కూడిన రక్షణ కటాక్షం చేసే దేవికి నమస్కారం
- ఓం ఐం హ్రీం శ్రీం భూతేశాలింగనోధ్బూత పులకాంగ్యై నమోనమః
భూతనాధుడైన పరమశివుడి ఆలింగనంతో ఆనందపరవశంగా పులకరించే దేవికి నమస్కారం
- ఓం ఐం హ్రీం శ్రీం అనంగ జనకాపాంగ వీక్షణాయై నమోనమః
కామదేవునికి పునర్జన్మ ప్రసాదించిన కృపా కటాక్షం కలిగిన దేవికి నమస్కారం
- ఓం ఐం హ్రీం శ్రీం బ్రహ్మోపేంద్ర శిరోరత్న రంజితాయై నమోనమః
బ్రహ్మ, విష్ణువుల తలపై గల కిరీటాలలోని రత్నాలతో మెరిసే దేవికి నమస్కారం
- ఓం ఐం హ్రీం శ్రీం శచీముఖ్యామరవధూ సేవితాయై నమోనమః
శచీదేవి సహా సమస్త దేవతా స్త్రీలు సేవించే దేవికి నమస్కారం
- ఓం ఐం హ్రీం శ్రీం లీలాకల్పిత బ్రహ్మాండమండలాయై నమోనమః
తన లీలతో సమస్త బ్రహ్మాండాన్ని సృష్టించిన దేవికి నమస్కారం
- ఓం ఐం హ్రీం శ్రీం అమృతాది మహాశక్తి సంవృతాయై నమోనమః (40)
అమృతాది అనేక శక్తులచే పరివేష్టించబడిన పరాశక్తి దేవికి నమస్కారం
- ఓం ఐం హ్రీం శ్రీం ఏకాతపత్ర సామ్రాజ్యదాయికాయై నమోనమః
తనను ఆరాధించే ఉపాసకులకు ఏకచ్ఛత్ర సామ్రాజ్యాన్ని అనుగ్రహించే దేవికి నమస్కారం
- ఓం ఐం హ్రీం శ్రీం సనకాది సమారాధ్య పాదుకాయై నమోనమః
సనకాదుల వంటి మహర్షులు పూజించే ఆమె పవిత్ర చరణాలకు నమస్కారం
- ఓం ఐం హ్రీం శ్రీం దేవర్షిభిః స్తూయమాన వైభవాయై నమోనమః
దేవతలూ, ఋషులచే ఎల్లప్పుడూ స్తుతించబడే మహిమ గల దేవికి నమస్కారం
- ఓం ఐం హ్రీం శ్రీం కలశోద్భవ దుర్వాస పూజితాయై నమోనమః
కలశంలో ఉద్భవించిన అగస్త్య మహర్షి, దుర్వాస మహర్షులచే పూజించబడిన దేవికి నమస్కారం
- ఓం ఐం హ్రీం శ్రీం మత్తేభవక్త్ర షడ్వక్త్ర వత్సలాయై నమోనమః
గణపతి కార్తికేయుల మీద అపారమైన ప్రేమగల తల్లికి నమస్కారం
- ఓం ఐం హ్రీం శ్రీం చక్రరాజ మహాయంత్ర మధ్యవర్త్యై నమోనమః
మహాయంత్రమైన శ్రీచక్రం మధ్యలో ముఖ్యమైన శక్తిగా ఉన్న దేవతకు నమస్కారం
- ఓం ఐం హ్రీం శ్రీం చిదగ్నికుండసంభూత సుదేహాయై నమోనమః
జ్ఞానమనే అగ్నిగుండం నుండి ఆవిర్భవించిన దేవతకు నమస్కారం
- ఓం ఐం హ్రీం శ్రీం శశాంకఖండసంయుక్త మకుటాయై నమోనమః
తలపై చంద్రవంకతో అలంకరించబడిన కిరీటాన్ని ధరించిన దేవికి నమస్కారం
- ఓం ఐం హ్రీం శ్రీం మత్తహంసవధూ మందగమనాయై నమోనమః
మత్తమైన హంస వంటి నడకతో నడిచే సౌందర్యరూపిణికి నమస్కారం
- ఓం ఐం హ్రీం శ్రీం వందారు జనసందోహ వందితాయై నమోనమః (50)
ఎల్లప్పుడూ భక్తులచే పూజించబడే మహాదేవికి నమస్కారం
- ఓం ఐం హ్రీం శ్రీం అంతర్ముఖ జనానంద ఫలదాయై నమోనమః
మనసులో దేవిని ఆరాధించేవారికి ఫలములను ఇచ్చే దేవికి నమస్కారం
- ఓం ఐం హ్రీం శ్రీం పతివ్రతాంగనాభీష్ట ఫలదాయై నమోనమః
పతివ్రతలు ఏ కోరిక కోరినా తక్షణమే సఫలం చేసే దేవికి నమస్కారం
- ఓం ఐం హ్రీం శ్రీం అవ్యాజకరుణాపూరపూరితాయై నమోనమః
ఎలాంటి కారణం లేకుండానే అపారమైన దయతో నిండిన తల్లికి నమస్కారం
- ఓం ఐం హ్రీం శ్రీం నితాంత సచ్చిదానంద సంయుక్తాయై నమోనమః
ఎప్పుడూ శాశ్వతమైన జ్ఞానమనే ఆనందంతో కూడి ఉండే దేవికి నమస్కారం
- ఓం ఐం హ్రీం శ్రీం సహస్రసూర్య సంయుక్త ప్రకాశాయై నమోనమః
అనంత సూర్యుల ప్రకాశంతో వెలిగే మహాశక్తికి నమస్కారం
- ఓం ఐం హ్రీం శ్రీం రత్నచింతామణి గృహమధ్యస్థాయై నమోనమః
శ్రీచక్రంలోని చింతామణులతో నిర్మించిన గృహం మధ్యలో ఉండే మహాదేవికి నమస్కారం
- ఓం ఐం హ్రీం శ్రీం హానివృద్ధి గుణాధిక్య రహితాయై నమోనమః
జననమరణాలు, ఎదుగుదల, క్షీణించడం వంటి ద్వంద్వాలకు అతీతమైన దేవికి నమస్కారం
- ఓం ఐం హ్రీం శ్రీం మహాపద్మాటవీమధ్య నివాసాయై నమోనమః
సహస్రదళపద్మములతో కూడిన సరోవరములో నివసించే పరాశక్తికి నమస్కారం
- ఓం ఐం హ్రీం శ్రీం జాగ్రత్ స్వప్న సుషుప్తీనాం సాక్షిభూత్యై నమోనమః
మనిషి మేల్కొన్నా, కలలో ఉన్నా, నిద్రలో ఉన్నా- ఆ మూడు అవస్థలకు సాక్షిగా ఉండే దేవికి నమస్కారం.
- ఓం ఐం హ్రీం శ్రీం మహాపాపౌఘతాపానాం వినాశిన్యై నమోనమః (60)
మహా పాపాలు, కష్టాలు, బాధలను ధ్వంసం చేసే మహాదేవికి నమస్కారం
- ఓం ఐం హ్రీం శ్రీం దుష్టభీతి మహాభీతి భంజనాయై నమోనమః
దుష్టుల వల్ల భయం, దుష్టభూతగణాల వల్ల కలిగిన భయాలను నశింపజేసే దేవికి నమస్కారం
- ఓం ఐం హ్రీం శ్రీం సమస్త దేవదనుజ ప్రేరకాయై నమోనమః
దేవతలకైనా, అసురులకైనా శక్తిని ప్రసాదించి, వారిని నడిపించే పరాశక్తికి నమస్కారం
- ఓం ఐం హ్రీం శ్రీం సమస్త హృదయాంభోజ నిలయాయై నమోనమః
సమస్త జీవుల హృదయ పద్మంలో నివసించే తల్లికి నమస్కారం
- ఓం ఐం హ్రీం శ్రీం అనాహత మహాపద్మ మందిరాయై నమోనమః
హృదయచక్రం (అనాహత చక్రం) అనే పద్మమధ్యములో స్థిరంగా ఉన్న దేవికి నమస్కారం
- ఓం ఐం హ్రీం శ్రీం సహస్రార సరోజాత వాసితాయై నమోనమః
తలపైన ఉన్న సహస్రార చక్రం అనే వేలదళాల పద్మంలో ఉండే దేవికి నమస్కారం
- ఓం ఐం హ్రీం శ్రీం పునరావృత్తిరహిత పురస్థాయై నమోనమః
జననం–మరణం లేకుండా, శాశ్వతమైన రూపంలో ఉన్న దేవికి నమస్కారం
- ఓం ఐం హ్రీం శ్రీం వాణీ గాయత్రీ సావిత్రీ సన్నుతాయై నమోనమః
వేదాల దేవత గాయత్రిచే, సరస్వతిచే, సావిత్రిచే స్తుతింపబడే దేవికి నమస్కారం
- ఓం ఐం హ్రీం శ్రీం రమాభూమిసుతారాధ్య పదాబ్జాయై నమోనమః
లక్ష్మీ దేవి, సీతాదేవిచే ఆరాధింపబడే దేవికి నమస్కారం.
- ఓం ఐం హ్రీం శ్రీం లోపాముద్రార్చిత శ్రీమచ్చరణాయై నమోనమః
అగస్త్య మహర్షి భార్య అయిన లోపాముద్రచే పూజింపబడిన పవిత్ర పాదాలకు నమస్కారం
- ఓం ఐం హ్రీం శ్రీం సహస్రరతి సౌందర్య శరీరాయై నమోనమః (70)
అనేక రతీదేవిలను మించిన శృంగార, సౌందర్యంతో ప్రకాశించే దేవికి నమస్కారం
- ఓం ఐం హ్రీం శ్రీం భావనామాత్ర సంతుష్ట హృదయాయై నమోనమః
మనసులో తలచిన మాత్రంచేతనే సంతోషించే దయామూర్తికి నమస్కారం
- ఓం ఐం హ్రీం శ్రీం సత్యసంపూర్ణ విజ్ఞాన సిద్ధిదాయై నమోనమః
జ్ఞానం, సత్యం, వివేకం ప్రసాదించే దేవికి నమస్కారం.
- ఓం ఐం హ్రీం శ్రీం శ్రీలోచన కృతోల్లాస ఫలదాయై నమోనమః
భక్తితో అమ్మను దర్శించిన మాత్రం చేతనే అమితమైన ఆనందం కలిగించే తల్లికి నమస్కారం
- ఓం ఐం హ్రీం శ్రీం శ్రీసుధాబ్ధి మణిద్వీప మధ్యగాయై నమోనమః
అమృత సముద్రంలో ఉన్న మణిద్వీపం మధ్యభాగంలో ఉండే పరాశక్తికి నమస్కారం
- ఓం ఐం హ్రీం శ్రీం దక్షాధ్వర వినిర్భేద సాధనాయై నమోనమః
దక్షయజ్ఞాన్ని వినాశనం చేయడానికి సాధనమైన శక్తికి నమస్కారం
- ఓం ఐం హ్రీం శ్రీం శ్రీనాథ సోదరీభూత శోభితాయై నమోనమః
శ్రీమహావిష్ణువు సోదరి స్వరూపిణిగా శోభించే దేవికి నమస్కారం
- ఓం ఐం హ్రీం శ్రీం చంద్రశేఖర భక్తార్తి భంజనాయై నమోనమః
శివుని భక్తుల కష్టాలను తొలగించే అమ్మకు నమస్కారం
- ఓం ఐం హ్రీం శ్రీం సర్వోపాధి వినిర్ముక్త చైతన్యాయై నమోనమః
సర్వ బంధనాల నుండి విముక్తమైన పరబ్రహ్మ స్వరూపిణికి నమస్కారం
- ఓం ఐం హ్రీం శ్రీం నామపారాయణాభీష్ట ఫలదాయై నమోనమః
నామ పారాయణ చేసిన వారి కోరికలను తీర్చే తల్లికి నమస్కారం
- ఓం ఐం హ్రీం శ్రీం సృష్టి స్థితి తిరోధాన సంకల్పాయై నమోనమః (80)
ప్రపంచ సృష్టి, పోషణ, లయం అన్నీ కేవలం తన సంకల్పం ద్వారా జరిగే పరాశక్తికి నమస్కారం
- ఓం ఐం హ్రీం శ్రీం శ్రీషోడశాక్షరీ మంత్ర మధ్యగాయై నమోనమః
16 అక్షరాల మహా శ్రీవిద్య మంత్రం మధ్యలో వెలుగుతున్న దివ్యశక్తికి నమస్కారాలు
- ఓం ఐం హ్రీం శ్రీం అనాద్యంత స్వయంభూత దివ్యమూర్త్యై నమోనమః
ఆది, అంతం లేకుండా స్వయంగా ఉద్భవించిన దైవస్వరూపిణికి నమస్కారం
- ఓం ఐం హ్రీం శ్రీం భక్తహంస పరాముఖ్య వియోగాయై నమోనమః
నిజమైన భక్తులను పరీక్షించి అనుగ్రహించే దయామయికి నమస్కారం
- ఓం ఐం హ్రీం శ్రీం మాతృ మండల సంయుక్త లలితాయై నమోనమః
సప్తమాతృకాగణంతో కలిసి వెలసే లలితా దేవికి నమస్కారం
- ఓం ఐం హ్రీం శ్రీం భండదైత్య మహాసత్త్వ నాశనాయై నమోనమః
భండాసురుని అహంకారాన్ని, శక్తిని నాశనం చేసిన దేవికి నమస్కారం
- ఓం ఐం హ్రీం శ్రీం క్రూరభండ శిరఛ్చేద నిపుణాయై నమోనమః
ఎంతో నైపుణ్యంతో భండాసురుని శిరస్సును ఛేదించిన మహాశక్తికి నమస్కారం
- ఓం ఐం హ్రీం శ్రీం ధాత్రచ్యుత సురాధీశ సుఖదాయై నమోనమః
బ్రహ్మ, విష్ణు, ఇంద్రాది దేవతలందరికీ ఆనందం ప్రసాదించే దేవికి నమస్కారం
- ఓం ఐం హ్రీం శ్రీం చండముండ నిశుంభాది ఖండనాయై నమోనమః
చండ, ముండ, శుంభనిశుంభాది దానవులను సంహరించిన మాతకు నమస్కారం
- ఓం ఐం హ్రీం శ్రీం రక్తాక్ష రక్తజిహ్వాది శిక్షణాయై నమోనమః
రక్తాక్షుడు, రక్తజిహ్వుడు మొదలైన రాక్షసులను శిక్షించే దేవికి నమస్కారం
- ఓం ఐం హ్రీం శ్రీం మహిషాసురదోర్వీర్య నిగ్రహాయై నమోనమః (90)
మహిషాసురుని భుజబలాన్ని,శక్తిని సమూలంగా నాశనం చేసిన దేవికి నమస్కారం
- ఓం ఐం హ్రీం శ్రీం అభ్రకేశ మహోత్సాహ కారణాయై నమోనమః
పరమశివుని ఉత్సాహానికి మూలకారణమైన దేవికి నమస్కారం
- ఓం ఐం హ్రీం శ్రీం మహేశయుక్త నటన తత్పరాయై నమోనమః
మహేశ్వరుడితో కలిసి ఆనంద తాండవ నృత్యంలో లీనమై ఉండే అమ్మవారికి నమస్కారం
- ఓం ఐం హ్రీం శ్రీం నిజభర్తృ ముఖాంభోజ చింతనాయై నమోనమః
తన భర్త అయిన శంకరుని ముఖపద్మాన్ని ధ్యానం చేసే అమ్మవారికి నమస్కారం
- ఓం ఐం హ్రీం శ్రీం వృషభధ్వజ విజ్ఞాన భావనాయై నమోనమః
వృషభధ్వజుడైన శివుని జ్ఞానస్వరూపాన్ని సదా భావించే దేవికి నమస్కారం
- ఓం ఐం హ్రీం శ్రీం జన్మమృత్యు జరారోగ భంజనాయై నమోనమః
జనన-మరణ, రోగ-దుఃఖాలను నశింపజేసే దేవికి నమస్కారం
- ఓం ఐం హ్రీం శ్రీం విధేయముక్తి విజ్ఞాన సిద్ధిదాయై నమోనమః
తనకు విధేయులైన భక్తులకు ముక్తిని, పరమ జ్ఞానాన్ని ప్రసాదించే మహాశక్తికి నమస్కారం
- ఓం ఐం హ్రీం శ్రీం కామక్రోధాది షడ్వర్గ నాశనాయై నమోనమః
కామ, క్రోధ, లోభ, మోహ, మద, మాత్సర్యమనే ఆరు అంతఃశత్రువులను సంహరించే దేవికి నమస్కారం
- ఓం ఐం హ్రీం శ్రీం రాజరాజార్చిత పదసరోజాయై నమోనమః
కుబేరుడు మొదలైన దేవతలు, యోగులు ఆరాధించే పదకమలాలకు నమస్కారం
- ఓం ఐం హ్రీం శ్రీం సర్వవేదాంత సంసిద్ధ సుతత్త్వాయై నమోనమః
సమస్త వేదాంతాల చేతా చెప్పబడే పరమసత్య స్వరూపమైన లలితాదేవికి నమస్కారం
- ఓం ఐం హ్రీం శ్రీం శ్రీవీరభక్త విజ్ఞాన నిధానాయై నమోనమః (100)
భక్తులకు విజ్ఞానం, బుద్ధిని ప్రసాదించే స్వరూపిణి దేవికి నమస్కారం
- ఓం ఐం హ్రీం శ్రీం అశేష దుష్టదనుజ సూదనాయై నమోనమః
సర్వ దుష్ట దానవరాక్షసులను నిశ్శేషంగా సంహరించే శక్తికి నమస్కారం
- ఓం ఐం హ్రీం శ్రీం సాక్షాచ్చ్రీదక్షిణామూర్తి మనోజ్ఞాయై నమోనమః
స్వయంగా శ్రీదక్షిణామూర్తి రూపంలో దర్శనమిచ్చే సుందర స్వరూపిణి దేవికి నమస్కారం
- ఓం ఐం హ్రీం శ్రీం హయమేధాగ్ర సంపూజ్య మహిమాయై నమోనమః
హయమేధ యజ్ఞంలో అత్యంత గౌరవంతో పూజింపబడే దివ్యశక్తికి నమస్కారం
- ఓం ఐం హ్రీం శ్రీం దక్షప్రజాపతిసుతావేషాఢ్యాయై నమోనమః
దక్షప్రజాపతి కుమార్తె సతీదేవి రూపంలో ఆవిర్భవించిన దేవికి నమస్కారం
- ఓం ఐం హ్రీం శ్రీం సుమబాణేక్షు కోదండ మండితాయై నమోనమః
పూలబాణాలు, చెరకు విల్లు వంటి దివ్యాయుధాలతో అలంకరించబడిన అమ్మవారికి నమస్కారం
- ఓం ఐం హ్రీం శ్రీం నిత్యయౌవన మాంగల్య మంగళాయై నమోనమః
ఎల్లప్పుడూ యౌవనముతో, అనుగ్రహంతో నిండి ఉండే సకల మంగళమూర్తికి నమస్కారం
- ఓం ఐం హ్రీం శ్రీం మహాదేవ సమాయుక్త శరీరాయై నమోనమః
పరమశివునితో ఏకత్వాన్ని పొందిన అర్థనారీశ్వర స్వరూపిణి దేవికి నమస్కారం
- ఓం ఐం హ్రీం శ్రీం మహాదేవ రత్యౌత్సుక్య మహదేవ్యై నమోనమః (108)
మహాదేవునికి అద్భుతమైన ప్రీతిని కలిగించడంలో ఉత్సాహం కలిగిన మహాదేవికి నమస్కారం`
ఇతి శ్రీ లలితాష్టోత్తర శతనామావళి సంపూర్ణం
