మూకపంచశతీ ఆర్యా శతకం తెలుగులో అర్థం 31-40

మూకపంచశతీ మందస్మిత శతకం శ్రీ కామాక్షీ అమ్మవారి దివ్య మందహాస మహిమను వర్ణించే అపూర్వమైన స్తోత్రరత్నం. మహాకవి మూకకవి రచించిన ఈ శతకంలోని ప్రతి శ్లోకం అమ్మవారి కరుణ, సౌందర్యం, అనుగ్రహాన్ని అద్భుతంగా ప్రతిబింబిస్తుంది. ఈ వ్యాసంలో ప్రతి శ్లోకానికి సులభమైన తెలుగులో మూకపంచశతీ అనేది శ్రీ కామాక్షీ పరమేశ్వరి మహిమను గానం చేసే అత్యంత ప్రసిద్ధి చెందిన దేవీ స్తోత్ర గ్రంథాలలో ఒకటి. దీనిని శ్రీ మూకకవి (మూకశంకరుడు) రచించినట్లు ఆధ్యాత్మిక సంప్రదాయం చెబుతుంది. అమ్మవారి అనుగ్రహంతో మాటలేని మూకుడు మహాకవిగా మారి, తన హృదయంలో ఉప్పొంగిన భక్తిని ఐదు శతకాల రూపంలో వ్యక్తపరిచాడు. ఈ అయిదు శతకాలలో ఆర్యా శతకం కూడా ఒక విశిష్టమైన భాగం.

ఈ పోస్ట్‌లో మూకపంచశతీ ఆర్యా శతకంలోని ప్రతి శ్లోకాన్ని మూలపాఠంతో పాటు సులభమైన తెలుగులో అర్థం అందిస్తున్నాము. విద్యార్థులు, భక్తులు మరియు స్తోత్రాలపై ఆసక్తి ఉన్న ప్రతి ఒక్కరికీ ఈ వివరణ ఉపయోగకరంగా ఉండాలని మా ఆకాంక్ష. శ్రీ కామాక్షీ అమ్మవారి దివ్య కృప అందరిపై ఎల్లప్పుడూ ప్రసరించాలని ప్రార్థిస్తూ ఈ పవిత్ర యాత్రను ప్రారంభిద్దాం.

వీక్షేమహి కాంచిపురే విపులస్తనకలశగరిమపరవశితమ్।
విద్రుమసహచరదేహం విభ్రమసమవాయసారసన్నాహమ్॥31॥
సకల జగత్తులను పోషించగలిగిన మాతృస్థానములు కలిగి, పగడమును పోలిన ఎర్రని శరీర కాంతితో ప్రకాశిస్తూ, ఆకర్షణీయమైన నడకతో ఉన్న అమ్మ కాంచీపురములో వెలసిఉన్నది।

కురువిందగోత్రగాత్రం కూలచరం కమపి నౌమి కంపాయాః।
కూలంకషకుచకుంభం కుసుమాయుధవీర్యసారసంరంభమ్॥32॥
కురువింద మణులవంటి పర్వతముల యొక్క ఎర్రని శరీర కాంతి కలిగి, ఉన్నతములైన స్తన భారముతో, మన్మథుని యొక్క శక్తులనన్నిటినీ తాను స్వాధీనము చేసుకుని, ఈశ్వర సమాగమమునకు సమాయత్తమైన తల్లికి నమస్కరిస్తున్నాను।

కుడూమలితకుచకిశోరైః కుర్వాణైః కాంచిదేశసౌహార్దమ్।
కుంకుమశోణైర్నిచితం కుశలపథం శంభుసుకృతసంభారైః॥33॥
కాంచీపురమునకు, ఈశ్వరునికి పుణ్య సంపదగా, కుంకుమ వర్ణపు ఎరుపుతో శోభిల్లే మొగ్గలవంటి స్తనసంపద కలిగిన మాతృమూర్తి మా మార్గమును సుసంపన్నము, క్షేమకరము చేయుగాక।

అంకితకచేన కేనచిదంధంకరణౌషధేన కమలానామ్।
అంతఃపురేణ శంభోః అలంక్రియా కాఽపి కల్ప్యతే కాంచ్యామ్॥34॥
అమ్మ యొక్క శరీరమే ఈశ్వరుని నివాస స్థానము. తన సిగలో ఆ తల్లి అలంకరించుకున్న చంద్రరేఖ నుండి వెలువడు కాంతి, కమలములను ఆకర్షింప చేయుచున్నది. ఈ విధముగా ప్రకాశిస్తున్న జగన్మాత కాంచీపురములో వెలసి ఉన్నది।

ఊరీకరోమి సంతతమూష్మలఫాలేన లాలితం పుంసా।
ఉపకంపముచితఖేలనం ఉర్వీధరవంశ సంపదున్మేషమ్॥35॥
విచిత్రమేమిటంటే, తన మూడవ నేత్రముతో విస్ఫులింగాలను వెదజల్లే శివుడు, అమ్మను మాత్రం నిరంతరం లాలిస్తున్నాడు. హిమవంతుని వంశమునకు కీర్తి తెచ్చిన తల్లిని మనసులో ఆరాధిస్తున్నాను।

అంకురితస్తనకోరకం అంకాలంకారమేకచూతపతేః।
ఆలోకేమహి కోమలం ఆగమసంలాపసారయాథార్థ్యమ్॥36॥
ఆగమ శాస్త్రములు, వేదములు జగన్మాతను వేనోళ్ల కొనియాడుచున్నవి. కాంచీపురములోని ఆమ్ర వృక్షమునకు పెనవేసుకున్న తీగవలె, ఈశ్వరుని పెనవేసుకున్న మాత మమ్ములను అనుగ్రహించుగాక।

పుంజితకరుణం ఉదంచితశింజితమణికాంచి కిమపి కాంచిపురే।
మంజరితమృదులహాసం పింజరతనురుచి పినాకిమూలధనమ్॥37॥
కామాక్షి అపార దయాసముద్రురాలు. ఎరుపు, పసుపు వర్ణముల మిశ్రితమైన గౌర వర్ణముతో శోభిల్లు శరీర కాంతి కలది. ఆమె మొలకు కట్టబడిన చిరుగంటలు చక్కటి ధ్వనులు చేస్తుండగా, ఈశ్వరుని అలరించే మాత కాంచీపురములో స్థితురాలై ఉన్నది।

లోలహృదయోఽస్తి శంభోః లోచనయుగలేన లేహ్యమానాయామ్।
లాలితపరమశివాయాం లావణ్యామృత తరంగమాలాయామ్॥38॥
పరమేశ్వరి తన అపూర్వమైన లావణ్యముతో ఈశ్వరుని లాలిస్తున్నది. ఆ లావణ్యమును ఈశ్వరుడు తన నేత్రములతో తదేక దృష్టితో తిలకిస్తున్నాడు. ఆ విధముగా ఈశ్వరునికి ప్రీతిపాత్రురాలైన దేవి నన్ను అనుగ్రహించుగాక।

మధుకరసహచరచికురైః మదనాగమసమయదీక్షితకటాక్షైః।
మండితకంపాతీరైః మంగలకందైర్మమాస్తు సారూప్యమ్॥39॥
తుమ్మెదల సమూహమును పోలిన నల్లని కేశ సంపద కల మాత, తనను ఆరాధించే సాధకులకు కేవలము తన క్రీగంటి చూపుతోనే సకల సిద్ధులను ప్రసాదించగలదు. సర్వ మంగళ స్వరూపిణియైన మాత తన సారూప్యమును నాకు కలిగించుగాక।

వదనారవిందవక్షో వామాంకతటీవశంవదీభూతా।
పూరుషత్రితయే త్రేధా పురంధ్రిరూపా త్వమేవ కామాక్షి॥40॥
కామాక్షీ మాతా! ఈశ్వరుడు త్రిమూర్తులైన బ్రహ్మ, విష్ణు, రుద్ర రూపములలో ఉద్భవించినట్లే నీవు వారి యొక్క వామ భాగములోను, ముఖములోను, హృదయములోను, సరస్వతి, లక్ష్మి, పార్వతి రూపములలో మూడు శక్తులుగా వెలసావు।

ఇలాంటి మరిన్ని స్తోత్రాలు, శ్లోకాలు, భక్తి విషయాల కోసం మా వెబ్‌సైట్‌లోని ఇతర పోస్ట్‌లను తప్పక చూడండి.

మూక పంచశతీ ఆర్యా శతకం – 1-10 శ్లోకాలు 

మూక పంచశతీ ఆర్యా శతకం – 11-20 శ్లోకాలు

మూక పంచశతీ ఆర్యా శతకం – 21-30 శ్లోకాలు

మూక పంచశతీ ఆర్యా శతకం – 31-40 శ్లోకాలు

మూక పంచశతీ ఆర్యా శతకం – 41-50 శ్లోకాలు

మూక పంచశతీ ఆర్యా శతకం – 51-60 శ్లోకాలు

మూక పంచశతీ ఆర్యా శతకం – 61-70 శ్లోకాలు

మూక పంచశతీ ఆర్యా శతకం – 71-80 శ్లోకాలు

మూక పంచశతీ ఆర్యా శతకం – 81-90 శ్లోకాలు

మూక పంచశతీ ఆర్యా శతకం – 91-100 శ్లోకాలు

 ఎన్నో స్తోత్రాలు, వాటి అర్థాలు తెలుగులో తెలుసుకోవాలనుకుంటే మన “భారతీయ సంస్కృతి” YouTube ఛానల్‌ను సందర్శించండి. 🙏

👉 భారతీయ సంస్కృతి YouTube Channel Link

ఈ సమాచారాన్ని వీడియొ రూపంలో చూడాలనుకుంటే ఈ లింక్ ఓపెన్ చేసి వీడియొ చూడండి 👇👇👇. మరెంతో ఆధ్యాత్మిక, ధార్మిక సమాచారం కోసం భారతీయ సంస్కృతి ఛానల్ ను subscribe చేసుకోండి.