శ్రావణ మాస మహాత్మ్యం – ఆరవ అధ్యాయం
ఆదివార వ్రత మహిమను విన్న సనత్కుమారుని మనసు ఆనందంతో నిండిపోయింది. ఎంతో భక్తిపారవశ్యంతో ఈశ్వరుడికి నమస్కరించి ఇలా అడిగాడు: “స్వామీ! సంతోషాన్ని కలిగించే ఆదివార వ్రతం గురించి ఎంతో అద్భుతంగా చెప్పారు. దయచేసి ఈ శ్రావణ మాసంలో వచ్చే సోమవారానికి ఉన్న గొప్పదనాన్ని కూడా నాకు వివరించండి స్వామీ!” అని ప్రార్థించాడు.
అందుకు కైలాసనాథుడు చిరునవ్వు చిందిస్తూ ఇలా చెప్పడం మొదలుపెట్టాడు: “సనత్కుమారా! సూర్యుడు నాకు కుడి కన్ను లాంటివాడు కాబట్టి ఆ సూర్యుడికి సంబంధించిన ఆదివారానికి అంతటి మహిమ కలిగింది. ఇక ఇప్పుడు సోమవారం గొప్పదనం గురించి చెబుతాను శ్రద్ధగా విను.
‘సోమ‘ అంటే ‘ఉమయా సహితః‘ అని అర్థం. అంటే ఉమతో (పార్వతీ దేవి) కూడుకుని ఉన్నవాడు అని. కాబట్టి ఆ ‘సోమ‘ శబ్దం సాక్షాత్తూ నాకే వర్తిస్తుంది. దానికి ఉన్న మహిమను వర్ణించడం ఎవరి తరమూ కాదు. ‘సోమ‘ అనే పదానికి ఇంద్రుడు అనీ, బ్రాహ్మణోత్తముడు అనీ, యజ్ఞాలలో ఉపయోగించే సోమలత అనీ ఎన్నో అర్థాలు ఉన్నాయి. ఇది నా స్వరూపం కాబట్టే దీనికి ‘సోమవారం‘ అని పేరొచ్చింది. ఈ వ్రతాన్ని ఆచరించినవాడు సమస్త రాజ్యాలను ఏలేంతటి వాడవుతాడు, అందరిలో ఉత్తముడు అవుతాడు, సకల యజ్ఞాలు చేసిన పుణ్యాన్ని పొందుతాడు.
పన్నెండు నెలల్లోనూ సోమవారం చాలా శ్రేష్టమైనది. పన్నెండు నెలల పాటూ సోమవార వ్రతాన్ని చేయలేని వాళ్ళు… కనీసం ఈ ఒక్క శ్రావణ మాసంలో చేసినా సరే, సంవత్సరం అంతా చేసిన ఫలాన్ని పొందుతారు.
సోమవార వ్రత విధానం: ఈ వ్రతాన్ని శ్రావణ మాసపు మొదటి సోమవారం నాడు మొదలుపెట్టాలి. ఉదయాన్నే స్నానం చేసి, పరిశుద్ధుడై, తెల్లటి బట్టలు కట్టుకోవాలి. మనసులోని కామం, క్రోధం, అహంకారం, ద్వేషం, అసూయ లాంటి చెడ్డ గుణాలన్నిటినీ వదిలేయాలి. ఆ పరమేశ్వరుడు నా మీద అనుగ్రహం కలవాడై ఉండుగాక‘ అని మనసులో సంకల్పం చేసుకోవాలి.
ఈ పూజకు మాలతి, మల్లెలు లాంటి తెల్లటి పూలను మాత్రమే వాడాలి. ‘త్ర్యంబకం‘ అనే మూలమంత్రంతో పాటు… శర్వాయ, భవనాయ, మహాదేవాయ, వంటి నామాలను పఠిస్తూ తన శక్తి కొలదీ షోడశోపచారాలతో నన్ను పూజించాలి. ఈ విధంగా శ్రావణ మాసంలో వచ్చే నాలుగు కానీ, ఐదు కానీ సోమవారాలు రాత్రులందు పూజ చేసి, నిశ్చలమైన మనస్సుతో ఈ సోమవార వ్రత కథను వినాలి.
సోమవార నక్త వ్రత ఫలం: ఓ మునీశ్వరా! పార్వతీ దేవితో కూడిన నన్ను సోమవారం నాడు పూజించేవాళ్లు ఎప్పటికీ నశించని, మళ్ళీ పుట్టుక లేని ఉత్తమ లోకాలను పొందుతారు. ఈ మాసంలో పగలు ఉపవాసం ఉండి రాత్రి మాత్రమే తినే ‘నక్త భోజనం‘ చేయడం వల్ల ఏడు జన్మల నుంచి చేసిన పాపాలు నశించిపోతాయి. ఆఖరికి దేవతలు, రాక్షసుల వల్ల కూడా పోగొట్టడానికి సాధ్యంకాని ఘోరమైన పాపాలు సైతం ఈ ఒక్క వ్రతం వల్ల బూడిదైపోతాయి. పిల్లలు కావాలనుకునే వాళ్లకు పిల్లలు, డబ్బు కావాలనుకునే వాళ్లకు డబ్బు లభిస్తాయి. వాళ్లు ఈ భూలోకంలో సకల భోగాలు అనుభవించి, చివరలో గొప్ప దేవతా విమానం ఎక్కి కైలాసానికి చేరుకుంటారు.
ఉద్యాపన విధానం: నాయనా! మన తెలివితేటలు, డబ్బు, ప్రాణం ఇవన్నీ ఎప్పటికీ శాశ్వతంగా ఉండేవి కావు. అవి ఎప్పుడైనా నశించిపోతాయని తెలుసుకుని… ఈ వ్రతానికి ఎంత త్వరగా వీలైతే అంత త్వరగా ఉద్యాపన చేయాలి.
ఉద్యాపనలో స్తోమతను బట్టి వెండి నందిని, బంగారు శివపార్వతి ప్రతిమలను తయారుచేయాలి. లింగాకార మండపాన్ని ఏర్పాటు చేసి, కలశంపై శివపార్వతుల ప్రతిమను ప్రతిష్ఠించాలి. రాత్రంతా జాగరణ చేసి, ఉదయం వేదమంత్రాలతో హోమం, పూర్ణాహుతి నిర్వహించాలి. అనంతరం పదకొండు మంది బ్రాహ్మణులకు భోజనం పెట్టి, కలశాదులను దానం చేయాలి. ఆచార్యునికి ప్రతిమలు, పూజా సామగ్రి, గోదానం సమర్పించాలి.
చివరగా ‘నా ఈ వ్రతం సంపూర్తి అయ్యేలా శివుడు నన్ను అనుగ్రహించుగాక‘ అని ప్రార్థించి, బంధువులందరితో కలిసి సంతోషంగా భోజనం చేయాలి. సనత్కుమారా! ఈ సోమవార వ్రతాన్ని పూర్వం శ్రీకృష్ణ పరమాత్మతో పాటు, ధర్మ మార్గంలో నడిచే ఎంతోమంది పరాక్రమవంతులైన రాజులు ఆచరించారు. కాబట్టి ఎవరైతే ఈ కథను నిశ్చలమైన భక్తితో వింటారో… వారికి కూడా సోమవార వ్రతం చేసినంత అద్భుతమైన ఫలితం దక్కుతుంది.” అని పరమశివుడు వివరించాడు.
📥 ఈ అధ్యాయానికి సంబంధించిన తెలుగు PDF
ఈ అధ్యాయానికి సంబంధించిన పూర్తి తెలుగు PDFను డౌన్లోడ్ చేసుకోవాలనుకుంటున్నారా?
మా Bharatiya Samskruthi YouTube Channelలో చాలా తక్కువ మొత్తంతో Membershipలో చేరి, ఈ అధ్యాయంతో పాటు రాబోయే శ్రావణ మాస మహాత్మ్యం అన్ని అధ్యాయాల PDFలను,ఇతర స్తోత్రాల తెలుగు అర్థం pdf లను సులభంగా డౌన్లోడ్ చేసుకోవచ్చు.
🙏 ఈరోజే Memberగా చేరి అన్ని PDFలను పొందండి.
ఓం నమః శివాయ! 🕉️
శ్రావణ మాస మహాత్మ్యం
మొదటి అధ్యాయం: శ్రావణ మాస విశిష్టత
రెండవ అధ్యాయం: వ్రత నియమాలు, విశేషాలు
మూడవ అధ్యాయం: నక్త వ్రత పూజా విశేషాలు
నాలుగవ అధ్యాయం: విశేష వ్రతాలు, రుద్ర వర్తి వ్రత మహిమ
ఐదవ అధ్యాయం: కోటి లింగాల మహిమ, ఆదివార వ్రతం
ఆరవ అధ్యాయం: సోమవార వ్రత విశిష్టత
ఏడవ అధ్యాయం: మంగళగౌరీ వ్రత మహిమ, శ్రుతకీర్తి రాజు కథ
ఎనిమిదవ అధ్యాయం: బుధ, గురువార వ్రత విశిష్టత
తొమ్మిదవ అధ్యాయం: జీవంతికా దేవి వ్రత మహిమ
పదవ అధ్యాయం: శనివార వ్రత విశేషాలు
పదకొండవ అధ్యాయం: రోటక వ్రతం, ఔదుంబర వ్రత విశిష్టత
పన్నెండవ అధ్యాయం: స్వర్ణ గౌరీ వ్రత విశిష్టత
పదమూడవ అధ్యాయం: దూర్వా గణపతి వ్రత విశిష్టత
పదునాలుగవ అధ్యాయం: నాగ పంచమి వ్రత విశేషాలు
పదిహేనవ అధ్యాయం: సూపోదన వ్రతం, నాగ పంచమి విశేషాలు
పదహారవ అధ్యాయం: శీతలాష్టమి వ్రత విశిష్టత
పదిహేడవ అధ్యాయం: పవిత్రారోపణ వ్రతం, కుమారి పూజా మహిమ
పద్దెనిమిదవ అధ్యాయం: ఆషాఢ శుక్ల దశమి వ్రత మహిమ
పంతొమ్మిదవ అధ్యాయం: ఏకాదశీ వ్రతం, పవిత్రారోపణ వ్రత విశేషాలు
ఇరవయ్యవ అధ్యాయం: త్రయోదశీ మన్మథ పూజ, చతుర్దశి వ్రత విశేషాలు
ఇరవై ఒకటవ అధ్యాయం: త్రిమోదకి వ్రతం, రక్షాబంధన విశిష్టత
ఇరవై రెండవ అధ్యాయం: సంకష్టహరణ చతుర్థీ వ్రత మహిమ
ఇరవై మూడవ అధ్యాయం: శ్రీకృష్ణ జన్మాష్టమి వ్రత విశేషాలు
ఇరవై నాలుగవ అధ్యాయం: శ్రీకృష్ణ జన్మాష్టమి వ్రత మహిమ – ముగింపు
“శ్రావణ మాస మహాత్మ్యం ద్వారా మనం ఎన్నో వ్రతాల విశిష్టతలను, వాటి ఆధ్యాత్మిక ప్రయోజనాలను తెలుసుకున్నాం. ఈ పవిత్ర మాసంలో భక్తితో ఆచరించే ప్రతి వ్రతం మన జీవితంలో సుఖసంతోషాలను నింపుతుంది.
ఈ అద్భుతమైన సిరీస్పై మీ అభిప్రాయాలను కామెంట్ చేయండి. ఇలాంటి మరిన్ని ఆధ్యాత్మిక విషయాల కోసం 👉 భారతీయ సంస్కృతి YouTube Channel Link సబ్స్క్రైబ్ చేసుకోండి. హర హర మహాదేవ!”
ఈ సమాచారాన్ని వీడియొ రూపంలో చూడాలనుకుంటే ఈ లింక్ ఓపెన్ చేసి వీడియొ చూడండి 👇👇👇. మరెంతో ఆధ్యాత్మిక, ధార్మిక సమాచారం కోసం భారతీయ సంస్కృతి ఛానల్ ను subscribe చేసుకోండి.
