శ్రావణ మాస మహాత్మ్యం – ఎనిమిదవ అధ్యాయం
కైలాసనాథుడు సనత్కుమారునితో శ్రావణ మాస విశేషాలను ఇంకా ఇలా చెప్పడం ప్రారంభించాడు: “సనత్కుమారా! ఇప్పుడు నీకు సకల పాపాలను పోగొట్టి, మనిషికి విశేషమైన కార్యసిద్ధిని కలిగించే బుధ, గురువారాల వ్రతం గురించి చెబుతాను శ్రద్ధగా విను.
చంద్రుడు – తార కథ: పూర్వం బ్రహ్మదేవుడు చంద్రుడిని బ్రాహ్మణుల అధిపతిగా నియమించాడు. ఒక సందర్భంలో చంద్రుడు దేవగురువైన బృహస్పతి భార్య తారను చూశాడు. ఆమె సౌందర్యానికి ఆకర్షితుడైన చంద్రుడు, మోహవశుడై ఆమెను తన వెంట తీసుకుపోయాడు. కొంతకాలానికి తార ఒక పుత్రునికి జన్మనిచ్చింది. ఆ బాలుడు తరువాత బుధుడు అనే పేరుతో ప్రసిద్ధి పొందాడు.
ఇంతలో తన భార్య కోసం వెతుకుతూ వచ్చిన బృహస్పతి, తార చంద్రుని వద్ద ఉండటం చూసి ఆగ్రహించాడు. “ఓ చంద్రుడా! నేను నీ గురువును. నా భార్యను ఇలా తీసుకుపోవడం ధర్మమా?” అని హెచ్చరించాడు. కానీ చంద్రుడు తారను తిరిగి పంపేందుకు ఒప్పుకోలేదు.
దాంతో బృహస్పతి దేవేంద్రుడి వద్దకు వెళ్లి న్యాయం కోరాడు. దేవేంద్రుడు చంద్రుడిని మందలించి, తారను వెంటనే అప్పగించమని ఆజ్ఞాపించాడు. చంద్రుడు తారను ఇచ్చేందుకు ఒప్పుకున్నా, బుధుడిని మాత్రం తన వద్దే ఉంచుకుంటానన్నాడు.
అప్పుడు దేవతలు తారను నిజం అడగగా, బుధుడు చంద్రుని కుమారుడేనని ఆమె తెలిపింది. శాస్త్ర ప్రకారం విచారించిన దేవతలు బుధుడిని చంద్రుడికే అప్పగించారు. అనంతరం వారు బృహస్పతిని ఓదారుస్తూ, “ఎవరైతే నిన్ను, బుధుణ్ణి కలిసి ఆరాధిస్తారో వారికి సమస్త కార్యసిద్ధి కలుగుతుంది” అని వరమిచ్చారు.
బుధ, గురువార వ్రత విధానం: సనత్కుమారా! ఈ శ్రావణ మాసంలో, ఎవరైనా బుధ, గురువారాల్లో బుధుడిని, బృహస్పతిని వేర్వేరుగా మండపంలో పెట్టి పూజించాలి. పెరుగన్నాన్ని, ముల్లంగి కూరను నైవేద్యంగా పెడితే మంచి ఫలాలను పొందుతారు.
- పిల్లలు ఆడుకుని తిరిగే చోట వీరిని పూజిస్తే… మంచి గుణాలున్న కొడుకులు పుడతారు.
- డబ్బులు దాచుకునే గదిలో పూజిస్తే… ధనానికి ఎప్పటికీ లోటు ఉండదు.
- వంట గదిలో పూజిస్తే… పాక వృద్ధి కలుగుతుంది.
- దేవుడి గదిలో పూజిస్తే… దేవతల అనుగ్రహం లభిస్తుంది.
- పడకగదిలో పూజిస్తే… భార్యావియోగం ఎప్పటికీ జరగదు. ఇలా ఎవరికి ఏ కోరిక ఉంటే దానికి తగ్గట్టు వాళ్ళను ఏడేళ్లు పూజించి, ఆ తర్వాత ఉద్యాపన చేయాలి.
ఉద్యాపన రోజున బంగారు ప్రతిమను పూజించి, రాత్రి జాగరణ చేయాలి. ఉదయాన్నే అగ్నిహోత్రం చేసి… నువ్వులు, నెయ్యి, అన్నం, ఉత్తరేణి, రావి సమిధలతో హోమం చేసి పూర్ణాహుతి సమర్పించాలి. ఆ తర్వాత ముఖ్యంగా మేనమామను, మేనల్లుడిని, ఇతర బ్రాహ్మణులను పిలిచి భోజనం పెట్టాలి. చదువు కోసం ఈ వ్రతం చేస్తే గొప్ప పండితుడు అవుతాడు. బుధుడిని పూజిస్తే జ్ఞానం, బృహస్పతిని పూజిస్తే గౌరవం దక్కుతాయి.”
మేనమామ – మేనల్లుడి కథ: అప్పుడు సనత్కుమారుడు, “స్వామీ! భోజనానికి ముఖ్యంగా మేనమామ, మేనల్లుడిని ఎందుకు పిలవాలి?” అని అడిగాడు.
అందుకు శివుడు ఇలా చెప్పాడు: “పూర్వకాలంలో ఎంతో పేదరికంలో ఉన్న ఒక మేనమామ, మేనల్లుడు అడుక్కుంటూ ఒక పట్నానికి వెళ్లారు. అక్కడ శ్రావణ మాసంలో అందరూ ఈ బుధ, గురువారాల వ్రతాలు చేయడం చూశారు. వాళ్లకు కూడా ఈ వ్రతం చేయాలనిపించింది కానీ, విధానం తెలియలేదు. ఆ రోజు రాత్రి దేవుని దయ వల్ల వాళ్ళ కలలో ఆ వ్రత విధానం అంతా కనిపించింది. వెంటనే వాళ్లిద్దరూ ఏడు సంవత్సరాల పాటు భక్తిగా ఆ వ్రతాన్ని ఆచరించి ఎంతో గొప్ప ఐశ్వర్యాన్ని పొందారు.
ఈ బుధ, గురువారాల వ్రతాన్ని భూలోకంలో ప్రాచుర్యంలోకి తెచ్చినందుకు ఆ గ్రహాలు సంతోషించి వాళ్లకు వరాలిచ్చాయి. ఓ మునీశ్వరా! అప్పటినుంచే… ఈ వ్రతం చేసేవాళ్లు కచ్చితంగా మేనమామను, మేనల్లుడిని పిలిచి భోజనం పెట్టాలనే నియమం ఏర్పడింది. ఈ వ్రతం వల్ల కోరికలన్నీ నెరవేరి, మరణం తర్వాత భక్తులు నా లోకానికి వచ్చి కైలాసంలో శాశ్వతంగా ఉండిపోతారు.” అని పరమశివుడు బుధ, గురువార వ్రతాల గురించి వివరించాడు.
📥 ఈ అధ్యాయానికి సంబంధించిన తెలుగు PDF
ఈ అధ్యాయానికి సంబంధించిన పూర్తి తెలుగు PDFను డౌన్లోడ్ చేసుకోవాలనుకుంటున్నారా?
మా Bharatiya Samskruthi YouTube Channelలో చాలా తక్కువ మొత్తంతో Membershipలో చేరి, ఈ అధ్యాయంతో పాటు రాబోయే శ్రావణ మాస మహాత్మ్యం అన్ని అధ్యాయాల PDFలను,ఇతర స్తోత్రాల తెలుగు అర్థం pdf లను సులభంగా డౌన్లోడ్ చేసుకోవచ్చు.
🙏 ఈరోజే Memberగా చేరి అన్ని PDFలను పొందండి.
ఓం నమః శివాయ! 🕉️
శ్రావణ మాస మహాత్మ్యం
మొదటి అధ్యాయం: శ్రావణ మాస విశిష్టత
రెండవ అధ్యాయం: వ్రత నియమాలు, విశేషాలు
మూడవ అధ్యాయం: నక్త వ్రత పూజా విశేషాలు
నాలుగవ అధ్యాయం: విశేష వ్రతాలు, రుద్ర వర్తి వ్రత మహిమ
ఐదవ అధ్యాయం: కోటి లింగాల మహిమ, ఆదివార వ్రతం
ఆరవ అధ్యాయం: సోమవార వ్రత విశిష్టత
ఏడవ అధ్యాయం: మంగళగౌరీ వ్రత మహిమ, శ్రుతకీర్తి రాజు కథ
ఎనిమిదవ అధ్యాయం: బుధ, గురువార వ్రత విశిష్టత
తొమ్మిదవ అధ్యాయం: జీవంతికా దేవి వ్రత మహిమ
పదవ అధ్యాయం: శనివార వ్రత విశేషాలు
పదకొండవ అధ్యాయం: రోటక వ్రతం, ఔదుంబర వ్రత విశిష్టత
పన్నెండవ అధ్యాయం: స్వర్ణ గౌరీ వ్రత విశిష్టత
పదమూడవ అధ్యాయం: దూర్వా గణపతి వ్రత విశిష్టత
పదునాలుగవ అధ్యాయం: నాగ పంచమి వ్రత విశేషాలు
పదిహేనవ అధ్యాయం: సూపోదన వ్రతం, నాగ పంచమి విశేషాలు
పదహారవ అధ్యాయం: శీతలాష్టమి వ్రత విశిష్టత
పదిహేడవ అధ్యాయం: పవిత్రారోపణ వ్రతం, కుమారి పూజా మహిమ
పద్దెనిమిదవ అధ్యాయం: ఆషాఢ శుక్ల దశమి వ్రత మహిమ
పంతొమ్మిదవ అధ్యాయం: ఏకాదశీ వ్రతం, పవిత్రారోపణ వ్రత విశేషాలు
ఇరవయ్యవ అధ్యాయం: త్రయోదశీ మన్మథ పూజ, చతుర్దశి వ్రత విశేషాలు
ఇరవై ఒకటవ అధ్యాయం: త్రిమోదకి వ్రతం, రక్షాబంధన విశిష్టత
ఇరవై రెండవ అధ్యాయం: సంకష్టహరణ చతుర్థీ వ్రత మహిమ
ఇరవై మూడవ అధ్యాయం: శ్రీకృష్ణ జన్మాష్టమి వ్రత విశేషాలు
ఇరవై నాలుగవ అధ్యాయం: శ్రీకృష్ణ జన్మాష్టమి వ్రత మహిమ – ముగింపు
“శ్రావణ మాస మహాత్మ్యం ద్వారా మనం ఎన్నో వ్రతాల విశిష్టతలను, వాటి ఆధ్యాత్మిక ప్రయోజనాలను తెలుసుకున్నాం. ఈ పవిత్ర మాసంలో భక్తితో ఆచరించే ప్రతి వ్రతం మన జీవితంలో సుఖసంతోషాలను నింపుతుంది.
ఈ అద్భుతమైన సిరీస్పై మీ అభిప్రాయాలను కామెంట్ చేయండి. ఇలాంటి మరిన్ని ఆధ్యాత్మిక విషయాల కోసం 👉 భారతీయ సంస్కృతి YouTube Channel Link సబ్స్క్రైబ్ చేసుకోండి. హర హర మహాదేవ!”
ఈ సమాచారాన్ని వీడియొ రూపంలో చూడాలనుకుంటే ఈ లింక్ ఓపెన్ చేసి వీడియొ చూడండి 👇👇👇. మరెంతో ఆధ్యాత్మిక, ధార్మిక సమాచారం కోసం భారతీయ సంస్కృతి ఛానల్ ను subscribe చేసుకోండి.
