శ్రావణ మాస మహాత్మ్యం – 17వ అధ్యాయం
ఈశ్వరుడు సనత్కుమార మహర్షితో ఇలా చెప్పాడు. “ఓ మునీశ్వరా! ఇప్పుడు దేవికి చేసే పవిత్రారోపణ అనే మహా పుణ్యప్రదమైన వ్రతం గురించి చెబుతాను. దీనిని శ్రావణమాసంలో ప్రారంభించి అష్టమి రోజున పూర్తి చేయాలి. ఈ వ్రతాన్ని ఆచరించినవారికి అన్ని యజ్ఞాలు చేసినంత పుణ్యం లభిస్తుంది. అన్ని పవిత్ర తీర్థాల్లో స్నానం చేసిన ఫలం వస్తుంది. అన్ని దానాలు చేసిన ఫలితం కూడా లభిస్తుంది. దీనిలో ఎలాంటి సందేహం లేదు.
ఈ వ్రతం చేసే వారికి భయం ఉండదు. దుఃఖాలు తొలగిపోతాయి. వ్యాధులు దగ్గరికి రావు. దుష్టశక్తులు, పిశాచబాధలు, శత్రు భయాలు, అకాల ప్రమాదాలు ఏవీ కలగవు. వారు చేపట్టిన ప్రతి పని చిన్నదైనా పెద్దదైనా విజయవంతంగా పూర్తవుతుంది. అందుకే ఈ వ్రతం చాలా గొప్పది. ఇది సౌభాగ్యాన్ని పెంచుతుంది. సంపదను ఇస్తుంది. కుటుంబంలో శుభాలు కలిగిస్తుంది. కావున భక్తితో దీనిని ఆచరించాలి.
ముందుగా గంధం, పూలు, పండ్లు, నైవేద్యాలు, వస్త్రాలు, ఆభరణాలు మొదలైన పూజా సామగ్రిని సిద్ధం చేసుకోవాలి. అనంతరం పంచగవ్యంతో శుద్ధి చేసి, మంత్రపూర్వకంగా దేవిని ఆవాహన చేసి ప్రతిమలో లేదా కలశంలో స్థాపించాలి; దీనినే అధివాసం అంటారు. ఆ తరువాత దర్భ, పత్తి దారం లేదా పసుపు దారంతో చేసిన పవిత్ర దారాన్ని (పవిత్రం) సిద్ధం చేయాలి.
దేవి మూలమంత్రంతో ఆ పవిత్రాన్ని నూరు సార్లు అభిమంత్రించి, దానిలో మంత్రశక్తిని నింపాలి. తర్వాత దానిని అందంగా అలంకరించి దేవి ముందు ఉంచాలి లేదా దేవికి సమర్పించాలి. ఆ రాత్రంతా జాగరణ చేస్తూ గానం, వాద్యాలు, నృత్యాలు, హరికథలు, భజనలు నిర్వహించి దేవిని ప్రసన్నం చేయాలి.
మరుసటి రోజు స్నానం చేసి, మళ్లీ దేవిని యథావిధిగా పూజించాలి. బ్రాహ్మణులకు భోజనం పెట్టి, దక్షిణ ఇవ్వాలి. ఆ తరువాత పవిత్రాన్ని దేవికి సమర్పించాలి. ఈ వ్రతం చేస్తున్నంతకాలం కొన్ని నియమాలు పాటించాలి. కోపం, అబద్ధం, మద్యం, చెడు మాటలు, అనవసర సంచారం వంటి వాటికి దూరంగా ఉండాలి. ఎల్లప్పుడూ దేవిని ధ్యానిస్తూ ఉండాలి.
ఎవరైనా ఈ వ్రతాన్ని శాస్త్రంలో చెప్పిన విధంగా చేయకుండా నిర్లక్ష్యం చేస్తే, సంవత్సరం మొత్తం చేసిన పూజల ఫలం తగ్గిపోతుంది. అందువల్ల ప్రతి సంవత్సరం ఈ పవిత్రారోపణ వ్రతాన్ని తప్పకుండా చేయాలి. సూర్యుడు కర్కాటక రాశిలో గానీ, సింహరాశిలో గానీ ఉన్న సమయంలో వచ్చే శుక్లపక్ష అష్టమినాడు ఈ వ్రతాన్ని చేస్తే అత్యంత శుభఫలం లభిస్తుంది” అని ఈశ్వరుడు చెప్పాడు. అప్పుడు సనత్కుమారుడు ‘ఓ మహాదేవా! ఈ పవిత్రాన్ని ఎలా తయారు చేయాలి? దాని కొలతలు ఏమిటి? ఎన్ని ముడులు వేయాలి? పూర్తి విధానం వివరంగా చెప్పండి.’ అని అడిగాడు.
అప్పుడు ఈశ్వరుడు ఇలా వివరించాడు. బంగారం, వెండి, పట్టుదారం లేదా పరిశుభ్రమైన నూలుతో పవిత్రాన్ని తయారు చేయవచ్చు. అది సాధ్యం కాకపోతే పవిత్రమైన పత్తి దారంతో తయారు చేయాలి. దారాన్ని మూడుసార్లు మడిచి, మళ్లీ మూడుసార్లు పేని బలంగా తయారు చేయాలి. ఉత్తమమైన పవిత్రానికి ఎక్కువ ముడులు ఉండాలి. మధ్యమమైనదానికి కొంచెం తక్కువ. సాధారణమైనదానికి ఇంకా తక్కువ. అలాగే దేవత స్వరూపానికి తగినట్లుగా దాని పొడవు ఉండాలి.
ఆ పవిత్రంలో వివిధ దేవతలను ఆవాహన చేయాలి. ఓంకారం, చంద్రుడు, అగ్ని, బ్రహ్మ, ఆదిశేషుడు, సూర్యుడు, స్థాణువు, విశ్వదేవతలు మొదలైన వారిని వరుసగా ఆహ్వానించి పూజించాలి. అలాగే క్రియా, పౌష్టి, విజయ, జయ, కీర్తి, ధృతి, మూర్తి వంటి శక్తులను కూడా పవిత్రంలో ఆవాహన చేసి పూజించాలి. అనంతరం ప్రణవమంత్రంతో పవిత్రాన్ని అభిమంత్రించి దేవికి సమర్పించాలి. ఇంకా శ్రావణమాసంలోని నవమి రోజున కుమారి పూజ చేయాలి. ఆ రోజు ఉపవాసం ఉండి, దుర్గాదేవిని ఎంతో భక్తితో పూజించాలి. చిన్న బాలికను దేవి స్వరూపంగా భావించి ‘కుమారి’ అనే నామంతో ఆవాహన చేసి పూజించాలి.
కరవీర పూలు, చందనం, సుగంధ ద్రవ్యాలు, ధూపం, దీపం, నైవేద్యాలతో దేవిని ఆరాధించాలి. తరువాత కుమారికకు మంచి భోజనం పెట్టి, వస్త్రాలు లేదా దక్షిణ ఇచ్చి సత్కరించాలి. అలాగే బ్రాహ్మణులకు కూడా భోజనం పెట్టాలి. ఆ తరువాత మరే ఇతర కోరికలు లేకుండా, పరమశ్రద్ధతో దుర్గాదేవిని ధ్యానించాలి.
ఈ విధంగా నవమి రోజున కుమారి పూజ చేసినవారికి సమస్త పాపాలు నశిస్తాయి. ఐశ్వర్యం, సౌభాగ్యం, సంతానం, మనుమలు, కుటుంబ సుఖం లభిస్తాయి. చివరికి మోక్షప్రాప్తి కూడా కలుగుతుంది. ఇలా శ్రావణమాసంలో చేయవలసిన పవిత్రారోపణ వ్రతం మరియు కుమారి పూజ యొక్క మహిమను ఈశ్వరుడు సనత్కుమార మహర్షికి వివరంగా ఉపదేశించాడు.
ఇక్కడితో స్కాంద పురాణాంతర్గత ఈశ్వరుడు–సనత్కుమారుల సంభాషణలోని శ్రావణ మాస మహాత్మ్యంలో, అష్టమినాడు ఆచరించవలసిన దేవీ పవిత్రారోపణ వ్రతం మరియు నవమినాడు చేయవలసిన కుమారి పూజా మహిమను వివరించే పదిహేడవ అధ్యాయం పూర్తయింది.
📥 ఈ అధ్యాయానికి సంబంధించిన తెలుగు PDF
ఈ అధ్యాయానికి సంబంధించిన పూర్తి తెలుగు PDFను డౌన్లోడ్ చేసుకోవాలనుకుంటున్నారా?
మా Bharatiya Samskruthi YouTube Channelలో చాలా తక్కువ మొత్తంతో Membershipలో చేరి, ఈ అధ్యాయంతో పాటు రాబోయే శ్రావణ మాస మహాత్మ్యం అన్ని అధ్యాయాల PDFలను,ఇతర స్తోత్రాల తెలుగు అర్థం pdf లను సులభంగా డౌన్లోడ్ చేసుకోవచ్చు.
🙏 ఈరోజే Memberగా చేరి అన్ని PDFలను పొందండి.
ఓం నమః శివాయ! 🕉️
శ్రావణ మాస మహాత్మ్యం
మొదటి అధ్యాయం: శ్రావణ మాస విశిష్టత
రెండవ అధ్యాయం: వ్రత నియమాలు, విశేషాలు
మూడవ అధ్యాయం: నక్త వ్రత పూజా విశేషాలు
నాలుగవ అధ్యాయం: విశేష వ్రతాలు, రుద్ర వర్తి వ్రత మహిమ
ఐదవ అధ్యాయం: కోటి లింగాల మహిమ, ఆదివార వ్రతం
ఆరవ అధ్యాయం: సోమవార వ్రత విశిష్టత
ఏడవ అధ్యాయం: మంగళగౌరీ వ్రత మహిమ, శ్రుతకీర్తి రాజు కథ
ఎనిమిదవ అధ్యాయం: బుధ, గురువార వ్రత విశిష్టత
తొమ్మిదవ అధ్యాయం: జీవంతికా దేవి వ్రత మహిమ
పదవ అధ్యాయం: శనివార వ్రత విశేషాలు
పదకొండవ అధ్యాయం: రోటక వ్రతం, ఔదుంబర వ్రత విశిష్టత
పన్నెండవ అధ్యాయం: స్వర్ణ గౌరీ వ్రత విశిష్టత
పదమూడవ అధ్యాయం: దూర్వా గణపతి వ్రత విశిష్టత
పదునాలుగవ అధ్యాయం: నాగ పంచమి వ్రత విశేషాలు
పదిహేనవ అధ్యాయం: సూపోదన వ్రతం, నాగ పంచమి విశేషాలు
పదహారవ అధ్యాయం: శీతలాష్టమి వ్రత విశిష్టత
పదిహేడవ అధ్యాయం: పవిత్రారోపణ వ్రతం, కుమారి పూజా మహిమ
పద్దెనిమిదవ అధ్యాయం: ఆషాఢ శుక్ల దశమి వ్రత మహిమ
పంతొమ్మిదవ అధ్యాయం: ఏకాదశీ వ్రతం, పవిత్రారోపణ వ్రత విశేషాలు
ఇరవయ్యవ అధ్యాయం: త్రయోదశీ మన్మథ పూజ, చతుర్దశి వ్రత విశేషాలు
ఇరవై ఒకటవ అధ్యాయం: త్రిమోదకి వ్రతం, రక్షాబంధన విశిష్టత
ఇరవై రెండవ అధ్యాయం: సంకష్టహరణ చతుర్థీ వ్రత మహిమ
ఇరవై మూడవ అధ్యాయం: శ్రీకృష్ణ జన్మాష్టమి వ్రత విశేషాలు
ఇరవై నాలుగవ అధ్యాయం: శ్రీకృష్ణ జన్మాష్టమి వ్రత మహిమ – ముగింపు
“శ్రావణ మాస మహాత్మ్యం ద్వారా మనం ఎన్నో వ్రతాల విశిష్టతలను, వాటి ఆధ్యాత్మిక ప్రయోజనాలను తెలుసుకున్నాం. ఈ పవిత్ర మాసంలో భక్తితో ఆచరించే ప్రతి వ్రతం మన జీవితంలో సుఖసంతోషాలను నింపుతుంది.
ఈ అద్భుతమైన సిరీస్పై మీ అభిప్రాయాలను కామెంట్ చేయండి. ఇలాంటి మరిన్ని ఆధ్యాత్మిక విషయాల కోసం 👉 భారతీయ సంస్కృతి YouTube Channel Link సబ్స్క్రైబ్ చేసుకోండి. హర హర మహాదేవ!”
ఈ సమాచారాన్ని వీడియొ రూపంలో చూడాలనుకుంటే ఈ లింక్ ఓపెన్ చేసి వీడియొ చూడండి 👇👇👇. మరెంతో ఆధ్యాత్మిక, ధార్మిక సమాచారం కోసం భారతీయ సంస్కృతి ఛానల్ ను subscribe చేసుకోండి.
