శ్రీ లక్ష్మీ సహస్రనామం స్తోత్రం 51-60 శ్లోకాలు

లక్ష్మీ సహస్రనామ స్తోత్రం మహాలక్ష్మీ దేవి యొక్క వెయ్యి దివ్య నామాలను స్తుతించే పవిత్రమైన స్తోత్రం. ఈ స్తోత్రాన్ని భక్తితో పారాయణం చేయడం ద్వారా అమ్మవారి అనుగ్రహం, ఐశ్వర్యం, సుఖశాంతులు మరియు ఆధ్యాత్మిక శ్రేయస్సు లభిస్తాయని విశ్వాసం. ఈ పేజీలో లక్ష్మీ సహస్రనామ స్తోత్రానికి సరళమైన తెలుగులో అర్థం మరియు ప్రతి నామం యొక్క విశిష్టతను తెలుసుకుందాం.

సత్తాజాతిః ప్రమాఽమేయాఽప్రమితిః ప్రాణదా గతిః |
అవర్ణా పంచవర్ణా చ సర్వదా భువనేశ్వరీ || 51 ||
సత్తా – పరబ్రహ్మ స్వరూపము
జాతిః – భిన్నమైన వస్తువులయందు ఉండునది
ప్రమా – యథార్థ జ్ఞానము కలిగించునది
అమేయా – హద్దులు లేనిది
అప్రమితి – వేదాలు, సిద్ధాంతాల ద్వారా కాక అనుభూతియందు మాత్రమే తెలియదగినది
ప్రాణదా – జీవితాన్ని ఇచ్చేది
గతిః – భక్తులకు గమ్యం, సద్గతిని ప్రసాదించునది
అవర్ణా – అక్షరములతో కూడిన మాటలచేత వర్ణించుటకు వీలులేనిది
పంచవర్ణా – ఐదు రంగులు కలిగిన ముఖములు కలిగినది, గాయత్రీ దేవి
సర్వదా – సర్వులకు సర్వమును ప్రసాదించునది
భువనేశ్వరీ – విశ్వానికి దేవత

త్రైలోక్యమోహినీ విద్యా సర్వభర్త్రీ క్షరాఽక్షరా |
హిరణ్యవర్ణా హరిణీ సర్వోపద్రవనాశినీ || 52 ||
త్రైలోక్యమోహినీ – మూడు లోకాలను మంత్రముగ్ధులను చేయునది
విద్యా – జ్ఞాన స్వరూపిణి
సర్వభర్త్రీ – సమస్తమును భరించునది
క్షరా – నశింపచేయునది
అక్షరా – నాశనము లేనిది
హిరణ్యవర్ణా – బంగారు రంగులో ఉండునది
హరిణీ – దుఃఖములను నశింపజేయునది
సర్వోపద్రవనాశినీ – అన్ని సమస్యలను నాశనం చేయునది

కైవల్యపదవీరేఖా సూర్యమండలసంస్థితా |
సోమమండలమధ్యస్థా వహ్నిమండలసంస్థితా || 53 ||
కైవల్యపదవీరేఖా – మోక్షానికి మార్గము అయినది
సూర్యమండలసంస్థితా – సౌరమండలంలో ఉండునది
సోమమండలమధ్యస్థా – చంద్రమండలము మధ్యలో ఉండునది
వహ్నిమండలసంస్థితా – మూలాధార చక్రమునందు ఉండునది

వాయుమండలమధ్యస్థా వ్యోమమండలసంస్థితా |
చక్రికా చక్రమధ్యస్థా చక్రమార్గప్రవర్తినీ || 54 ||
వాయుమండలమధ్యస్థా – వాయుమండలము మధ్యలో ఉండునది
వ్యోమమండలసంస్థితా – ఆకాశంలో నిలిచి ఉండునది
చక్రికా – దివ్య చక్రము కలిగినది
చక్రమధ్యస్థా – శ్రీచక్రం మధ్యలో ఉండునది
చక్రమార్గప్రవర్తినీ – శరీర చక్రాల మార్గంలో ప్రయాణించేది

కోకిలాకులచక్రేశా పక్షతిః పంక్తిపావనా |
సర్వసిద్ధాంతమార్గస్థా షడ్వర్ణావరవర్జితా || 55 ||
కోకిలా – శోభిల్లునది
పక్షతిః – చంద్రుని దశల ప్రారంభమైన పాడ్యమి తిథి
పంక్తిపావనా – తన భక్తుల పాపములను పోగొట్టి శుద్ధి చేయునది
సర్వసిద్ధాంతమార్గస్థా – సమస్త జ్ఞానానికి మార్గం అయినది
షడ్వర్ణా – ఆరు వర్ణములు కల ముఖములు కలది
అవరవర్జితా – పాపాత్ములచేత విడువబడినది

శతరుద్రహరా హంత్రీ సర్వసంహారకారిణీ |
పురుషా పౌరుషీ తుష్టిః సర్వతంత్రప్రసూతికా || 56 ||
శతరుద్రహరా – రుద్ర రూపిణి
హంత్రీ – దుష్టులైన రాక్షసులను సంహరించునది
సర్వసంహారకారిణీ – ప్రళయకాలమునందు సమస్తమును లయము చేయునది
పురుషా – ఈశ్వర స్వరూపిణి
పౌరుషీ – పురుషశక్తి స్వరూపిణి
తుష్టిః – అందరికీ సంతృప్తి కలిగించునది
సర్వతంత్రప్రసూతికా – సర్వ తంత్రములకు మూలమైనది

అర్ధనారీశ్వరీ దేవీ సర్వవిద్యాప్రదాయినీ |
భార్గవీ యాజుషీవిద్యా సర్వోపనిషదాస్థితా || 57 ||
అర్ధనారీశ్వరీ దేవీ – అర్ధనారీశ్వర స్వరూపము
సర్వవిద్యాప్రదాయినీ – సమస్త విద్యలనూ ప్రసాదించునది
భార్గవీ – భృగు మహర్షి కుమార్తె
యాజుషీవిద్యా – యజుర్వేద విద్యా స్వరూపిణి
సర్వోపనిషదాస్థితా – సర్వ ఉపనిషత్తులలో ఉన్నది

వ్యోమకేశాఽఖిలప్రాణా పంచకోశవిలక్షణా |
పంచకోశాత్మికా ప్రత్యక్పంచబ్రహ్మాత్మికా శివా || 58 ||
వ్యోమకేశాఽఖిలప్రాణా – వ్యోమకేశుడైన శివుని యొక్క అఖిల ప్రాణములు జగదంబే
పంచకోశవిలక్షణా – అన్నమయ కోశము మొదలైన పంచకోశాలకు అతీతమైనది
పంచకోశాత్మికా – పంచకోశముల లోపలి భాగమునందున్న తల్లి
ప్రత్యక్ – పంచకోశములకు వేరైన ఆత్మయే అమ్మ
పంచబ్రహ్మాత్మికా – పంచబ్రహ్మల, పంచప్రాణముల స్వరూపం
శివా – శివుని భార్య

జగజ్జరాజనిత్రీ చ పంచకర్మప్రసూతికా |
వాగ్దేవ్యాభరణాకారా సర్వకామ్యస్థితాస్థితిః || 59 ||
జగజ్జరాజనిత్రీ – లయకారిణి
పంచకర్మప్రసూతికా – సృష్టి, నిర్వహణ, విలీనం, అదృశ్యం, అనుగ్రహం అనే ఐదు కర్మలకు కారణమైనది
వాగ్దేవ్యాభరణాకారా – వాక్కును ఆభరణముగా కలది
సర్వకామ్యస్థితా – సర్వ పుణ్యకార్యములలో ఉన్నది
స్థితిః – స్థిరంగా ఉన్నది

అష్టాదశచతుష్షష్టిపీఠికా విద్యయాయుతా |
కాలికాకర్షణశ్యామా యక్షిణీ కిన్నరేశ్వరీ || 60 ||
అష్టాదశచతుష్షష్టిపీఠికా – అష్టాదశ పీఠములు, చతుఃషష్టి పీఠములు నివాసములుగా గల తల్లి
విద్యయాయుతా – శ్రీవిద్యతో కూడినది
కాలికాకర్షణశ్యామా – ఆకర్షణీయమైన నల్లని వర్ణము గల శ్యామలాదేవి
యక్షిణీ – యక్ష స్త్రీ
కిన్నరేశ్వరీ – మానవ శరీరం, గుర్రపు తల కలిగిన కిన్నర జాతికి అధిష్ఠాత్రి దేవి

ఇలాంటి మరిన్ని స్తోత్రాలు, శ్లోకాలు, భక్తి విషయాల కోసం మా వెబ్‌సైట్‌లోని ఇతర పోస్ట్‌లను తప్పక చూడండి.

శ్రీ లక్ష్మీ సహస్రనామం స్తోత్రం 1-10 శ్లోకాలు

శ్రీ లక్ష్మీ సహస్రనామం స్తోత్రం 11-20 శ్లోకాలు

శ్రీ లక్ష్మీ సహస్రనామం స్తోత్రం 21-30 శ్లోకాలు

శ్రీ లక్ష్మీ సహస్రనామం స్తోత్రం 31-40 శ్లోకాలు

శ్రీ లక్ష్మీ సహస్రనామం స్తోత్రం 41-50 శ్లోకాలు

శ్రీ లక్ష్మీ సహస్రనామం స్తోత్రం 51-60  శ్లోకాలు

శ్రీ లక్ష్మీ సహస్రనామం స్తోత్రం 61-70 శ్లోకాలు

శ్రీ లక్ష్మీ సహస్రనామం స్తోత్రం 71-80 శ్లోకాలు

శ్రీ లక్ష్మీ సహస్రనామం స్తోత్రం 81-90 శ్లోకాలు

శ్రీ లక్ష్మీ సహస్రనామం స్తోత్రం 91-100 శ్లోకాలు

శ్రీ లక్ష్మీ సహస్రనామం స్తోత్రం 101-110 శ్లోకాలు

శ్రీ లక్ష్మీ సహస్రనామం స్తోత్రం 111-120 శ్లోకాలు

శ్రీ లక్ష్మీ సహస్రనామం స్తోత్రం 121-130 శ్లోకాలు

శ్రీ లక్ష్మీ సహస్రనామం స్తోత్రం 131-140 శ్లోకాలు

శ్రీ లక్ష్మీ సహస్రనామం స్తోత్రం 141-150 శ్లోకాలు

శ్రీ లక్ష్మీ సహస్రనామం స్తోత్రం 151-154 శ్లోకాలు

 ఎన్నో స్తోత్రాలు, వాటి అర్థాలు తెలుగులో తెలుసుకోవాలనుకుంటే మన “భారతీయ సంస్కృతి” YouTube ఛానల్‌ను సందర్శించండి. 🙏

👉 భారతీయ సంస్కృతి YouTube Channel Link

ఈ సమాచారాన్ని వీడియొ రూపంలో చూడాలనుకుంటే ఈ లింక్ ఓపెన్ చేసి వీడియొ చూడండి 👇👇👇. మరెంతో ఆధ్యాత్మిక, ధార్మిక సమాచారం కోసం భారతీయ సంస్కృతి ఛానల్ ను subscribe చేసుకోండి.