వైశాఖ పురాణం 3 వ అధ్యాయము

నారద మహర్షి మాటలు విన్న అంబరీష మహారాజు, ఆయనకు నమస్కరించి “మహర్షీ! వైశాఖ మాసంలో చేయాల్సిన దానాలను వాటి ఫలితాలతో సహా దయచేసి వివరించండి” అని అడిగాడు. అప్పుడు నారదుడు ఇలా వివరించాడు.

మంచి గాలి తగిలేలా ఉండి, హాయిగా నిద్రపోయేలా ఉండే మంచాన్ని ఒక బ్రాహ్మణుడికి దానం చేస్తే, ఆ దాతకు శారీరక వ్యాధులు ఉండవు. జీవితాంతం ఎలాంటి ఆందోళనలు లేకుండా సుఖంగా బతుకుతారు. చివరికి యోగులు కూడా పొందలేని మోక్షాన్ని పొందుతారు. ఒక బ్రాహ్మణుడు ఆ మంచం మీద పడుకున్నా లేదా కూర్చున్నా.. దాత తెలిసి తెలియక చేసిన పాపాలన్నీ కర్పూరంలా కరిగిపోతాయి. మంచంతో పాటు మంచి పరుపును, ఉత్తమమైన ఆహారాన్ని దానం చేసేవారు చక్రవర్తులలాగా జీవిస్తారు. వారి వంశంలో వంద తరాల వరకు ధర్మం తప్పేవాడు పుట్టడు. మంచం మీద పరుపుతో పాటు దిండును కూడా ఇస్తే.. ఏడు జన్మల వరకు వైభోగంగా బతికి, తనతో పాటు ఏడు తరాల వారికి ముక్తిని ప్రసాదిస్తారు.

మంచం దానం చేసే స్తోమత లేని వారు గడ్డి లేదా తుంగతో చేసిన చాపను దానం చేయవచ్చు. సాక్షాత్తూ విష్ణుమూర్తి ఆ చాప మీద శయనిస్తాడని నమ్ముతారు. దీనివల్ల కూడా మంచం దానం చేసినంత ఫలితం వస్తుంది. వైశాఖంలో గొంగళి లేదా కంబళిని దానం చేస్తే అపమృత్యు దోషం పోయి చిరకాలం బతుకుతారు. ఎండలో అలసిన వారికి బట్టలు దానం చేస్తే పరిపూర్ణ ఆయుష్షు లభిస్తుంది.

1. ఎముకలకు, చర్మానికి చల్లదనాన్ని ఇచ్చే గంధాన్ని ఇస్తే.. సంసార బాధలన్నీ పోయి సుఖపడతారు. పోకచెక్కలు, కర్పూరం కలిపిన తాంబూలాన్ని ఇస్తే పాపాలు పోతాయి. దీనివల్ల కీర్తి, ధైర్యం పెరుగుతాయి. రోగులు ఇస్తే వ్యాధి తగ్గిపోతుంది, ఆరోగ్యవంతులు ఇస్తే మోక్షం వస్తుంది. బ్రాహ్మణులకు పూలు దానం చేస్తే అందరూ మెచ్చే మహారాజుగా పుడతారు. ముఖ్యంగా వైశాఖంలో మొగలి పూలు, మల్లె పూలు ఇస్తే విష్ణువు అనుగ్రహంతో సుఖ భోగాలు కలుగుతాయి. కొబ్బరికాయలు, సుగంధ ద్రవ్యాలు ఇస్తే ఏడు జన్మల వరకు వేద పండితుడిగా, ధనవంతుడిగా పుడతారు. ఒక మనిషికి సంతానం లేకపోయినా, శాస్త్రాలను వినడం, తీర్థయాత్రలు చేయడం, మంచి వారితో స్నేహం, నీటి దానం (చలివేంద్రం, బావి, చెరువు తవ్వించడం), అన్నదానం, రావి చెట్టును నాటడం మొదలైన ఏ ఒక్కటి చేసినా పుణ్యలోకాలు కలుగుతాయని పెద్దలు చెబుతారు:

వీటిని ‘సప్త సంతానములు’ అంటారు. అంటే ఈ పనులు చేసేవారికి సంతానం లేకపోయినా, వారి పేరు నిలిచిపోతుంది. వారికి పుణ్యలోకాలు వస్తాయి.

వేసవిలో అలసిన వారికి ఉప్పు, నిమ్మరసం కలిపిన మజ్జిగ ఇస్తే విద్యావంతులు, ధనవంతులు అవుతారు. పెరుగు కుండను దానం ఇస్తే అనంతమైన పుణ్యం వస్తుంది. బియ్యం దానం చేస్తే అన్ని యజ్ఞాలు చేసినంత ఫలితం దక్కుతుంది. నెయ్యి దానం చేస్తే అశ్వమేధ యాగం చేసిన పుణ్యం వచ్చి విష్ణుపదాన్ని చేరుతారు. బెల్లం దోసకాయ ఈ రెండింటిని దానం చేస్తే పాపాలన్నీ పోయి శ్వేతద్వీపంలో నివసిస్తారు. సాయంత్రం వేళ అలసిన బ్రాహ్మణులకు పానకం, మామిడి పండ్లు ఇస్తే పితృదేవతలు అమృతం తాగినంత ఆనందిస్తారు.

చైత్ర అమావాస్య రోజున పానకం నిండిన కుండను (కస్తూరి, కర్పూరం, వట్టివేళ్లు కలిపిన పానకం) దానం చేస్తే, గయా క్షేత్రంలో వంద సార్లు శ్రాద్ధం చేసినంత పుణ్యం కలుగుతుందని నారదుడు వివరించాడు.

వైశాఖ పురాణం మూడవ అధ్యాయం సంపూర్ణం.

నాల్గోవ అధ్యాయం కోసం ఇక్కడ క్లిక్ చేయండి 

వైశాఖ పురాణం 1-30 అధ్యాయాలు

వైశాఖ పురాణము (Vaisakha Puranam) లోని అధ్యాయములు:

1వ అధ్యాయం – వైశాఖమాస ప్రశంస

2వ అధ్యాయం – వైశాఖ మాసమున చేయవలసిన వివిధ దానములు – వాటి  ఫలితములు

3వ అధ్యాయం – వివిధ దానములు – వాటి మహత్యములు

4వ అధ్యాయం – వైశాఖ ధర్మ ప్రశంస

5వ అధ్యాయం – వైశాఖమాస విశిష్టత

6వ అధ్యాయం – జలదాన మహత్యము – గృహగోధికా కథ

7వ అధ్యాయం – వైశాఖమాస  దానములు

8వ అధ్యాయం – పిశాచ మోక్షము

9వ అధ్యాయం – సతీ దేహత్యాగము

10వ అధ్యాయం – దక్షయజ్ఞ నాశము – కామదహనము

11వ అధ్యాయం – రతి దుఃఖము – దేవతల ఊరడింపు

12వ అధ్యాయం – కుమార జననము

13వ అధ్యాయం – అశూన్య శయన వ్రతము

14వ అధ్యాయం – ఛత్రదాన మహిమ

15వ అధ్యాయం – వైశాఖవ్రత మహిమ

16వ అధ్యాయం – యముని పరాజయము

17వ అధ్యాయం – యమ దుఃఖ నిరూపణము

18వ అధ్యాయం – విష్ణువు యముని ఊరడించుట

19వ అధ్యాయం – పిశాచత్వ విముక్తి

20వ అధ్యాయం – పాంచాలరాజు రాజ్యప్రాప్తి

21వ అధ్యాయం – పాంచాలరాజు సాయుజ్యము

22వ అధ్యాయం – దంతిల కోహల శాపవిముక్తి

23వ అధ్యాయం – కిరాతుని పూర్వజన్మ

24వ అధ్యాయం – వాయుశాపము

25వ అధ్యాయం – భాగవత ధర్మములు

26వ అధ్యాయం – వాల్మీకి జన్మ

27వ అధ్యాయం – కలిధర్మములు – పితృముక్తి

28వ అధ్యాయం – అక్షయతృతీయ విశిష్టత

29వ అధ్యాయం – శునీ మోక్షప్రాప్తి

30వ అధ్యాయం – పుష్కరిణి – ఫలశ్రుతి

శ్రీ మహావిష్ణువుకు ప్రీతిపాత్రమైన వైశాఖ మాసంలో సూర్యోదయ సమయమున నదీస్నానం ఆచరించి, పూజలు, జపాలు, దానాలు భక్తితో నిర్వహించి, వైశాఖ పురాణాన్ని పఠించినవారిపై శ్రీహరి ప్రసన్నుడగును. ఆయన అనుగ్రహంతో భక్తులకు పాప విముక్తి కలిగి, వైకుంఠ ప్రాప్తి సాధ్యమగును. 🙏